कोल्हापूर विभागीय उच्च शिक्षण सहसंचालकपदी डॉ. प्रकाश बच्छाव
डॉ. प्रकाश बच्छाव यांनी सहसंचालक (प्रशासन), उच्च शिक्षण संचालनालय, पुणे या पदाचा कार्यभार सांभाळुन विभागीय सहसंचालक, उच्च शिक्षण, कोल्हापूर विभाग, कोल्हापूर या पदाचा अतिरिक्त कार्यभार तात्काळ स्विकारावा, असे महाराष्ट्र शासनाचे उपसचिव अशोक मांडे यांनी पत्रकाद्वारे सांगितले आहे.
eduvarta@gmail.com 
एज्युवार्ता न्यूज नेटवर्क
कोल्हापूर विभागातील उच्च शिक्षणाच्या विभागीय सहसंचालक (Divisional Joint Director of Higher Education, Kolhapur Division) या पदाच्या अतिरिक्त कार्यभारामध्ये प्रशासकीय कारणास्तव बदल करण्यात आला आहे. त्यानुसार आता पुण्यातील उच्च शिक्षण संचालनालयाचे सहसंचालक (प्रशासन) डॉ. प्रकाश बच्छाव (Joint Director (Administration) of the Directorate of Higher Education, Pune, Dr. Prakash Bachhav) यांची तात्पुरत्या स्वरुपात नियुक्ती करण्यात आली आहे.
डॉ. बच्छाव यांनी सहसंचालक (प्रशासन), उच्च शिक्षण संचालनालय, पुणे या पदाचा कार्यभार सांभाळुन विभागीय सहसंचालक, उच्च शिक्षण, कोल्हापूर विभाग, कोल्हापूर या पदाचा अतिरिक्त कार्यभार तात्काळ स्विकारावा, असे महाराष्ट्र शासनाचे उपसचिव अशोक मांडे (Ashok Mande, Deputy Secretary, Government of Maharashtra) यांनी पत्रकाद्वारे सांगितले आहे.
दरम्यान, यापूर्वी कोल्हापुरातील राजाराम महाविद्यालयाचे प्राध्यापक डॉ. धनराज नाकाडे (Dr. Dhanraj Nakade, Professor at Rajaram College, Kolhapur) यांच्याकडे या पदाचा कार्यभार सोपवण्यात आला होता. परंतु, डॉ. नाकाडे यांचेकडील सदर अतिरिक्त कार्यभार संपुष्टात आल्याने त्यांनी त्यांच्या मुळ आस्थापनेवरील पदावर रुजु व्हावे. तसेच राज्याच्या उच्च शिक्षण संचालकांनी डॉ. नाकाडे यांना तात्काळ कार्यमुक्त करुन ते त्यांच्या मुळ आस्थापनेवरील पदावर रुजु झाल्याबाबतचा अहवाल तात्काळ शासनास सादर करावा, असेही पत्रकाद्वारे सांगण्यात आले आहे.
