डॉ.डी. वाय पाटील यांचे निधन; ज्येष्ठ राजकीय नेते, शिक्षणतज्ज्ञ हरपले

एज्युवार्ता न्यूज नेटवर्क  

काँग्रेसचे ज्येष्ठ नेते बिहार, पश्चिम बंगाल आणि त्रिपुराचे माजी राज्यपाल आणि ज्येष्ठ शिक्षणतज्ज्ञ डॉ.डी. वाय पाटील यांचे मंगळवारी कोल्हापूर येथे निधन झाले. ते ९० वर्षांचे होते. त्यांच्या जाण्याने राजकीय व शैक्षणिक क्षेत्रातून हळूहळू व्यक्त केली जात आहे. 

ज्ञानदेव यशवंतराव पाटील अर्थात डी. वाय.पाटील यांचा जन्म कोल्हापूर जिल्ह्यातील अंबाप या गावात 22 ऑक्टोबर 1935 रोजी झाला होता. पाटील हे 1957 मध्ये कोल्हापूर नगर परिषदेवर काँग्रेसचे उमेदवार म्हणून निवडून आले होते. 1967 ते 78 पर्यंत महाराष्ट्र विधानसभेचे सदस्य होते. 1967 आणि 1972 या दोन्ही निवडणुकांमध्ये ते पन्हाळा विधानसभा मतदारसंघातून निवडून आले होते. त्यांच्या नावाने महाराष्ट्रातील विविध ठिकाणी शैक्षणिक संस्था उभ्या राहिल्या. १९९१ मध्ये समाजकार्यासाठी त्यांना पद्मश्री  पुरस्काराने सन्मानित करण्यात आले होते. 

डी. वाय. पाटील यांच्या मार्गदर्शनाखाली अनेक शैक्षणिक, वैद्यकीय आणि अत्याधुनिक संस्थांची स्थापना झाली. त्यात डी. वाय. पाटील इन्स्टिट्यूट ऑफ मास्टर ऑफ कॉम्प्युटर ॲप्लिकेशन्स अँड मॅनेजमेंट, आकुर्डी, पुणे , डॉ. डी. वाय. पाटील विद्यापीठ, पुणे ,पद्मश्री डीवाय पाटील विद्यापीठ, नवी मुंबई, डॉ. डी. वाय. पाटील विधी महाविद्यालय, पुणे, डॉ. डी. वाय. पाटील वैद्यकीय महाविद्यालय, नवी मुंबई, डी. वाय. पाटील एज्युकेशन सोसायटी, कोल्हापूर,डॉ. डी. वाय. पाटील क्रीडा, अकादमी ,पुण्यातील डॉ. डी. वाय. पाटील नॉलेज सिटी,डॉ. डी. वाय. पाटील आंतरराष्ट्रीय शाळा, मुंबई, डी. वाय. पाटील आंतरराष्ट्रीय शाळा, नागपूर, डॉ. डी. वाय. पाटील आंतरराष्ट्रीय शाळा, कांग्रा (हिमाचल प्रदेश) , डी. वाय. पाटील अभियांत्रिकी व तंत्रज्ञान महाविद्यालय,कोल्हापूर,डीवाय पाटील वैद्यकीय महाविद्यालय, कोल्हापूर, 
डॉ. डी. वाय. पाटील अभियांत्रिकी महाविद्यालय, पुणे,डी. वाय. पाटील रुग्णालय , मुंबई, डी. वाय. पाटील आंतरराष्ट्रीय शाळा, बेल्जियम, डॉ. डी. वाय. पाटील ज्युनियर कॉलेज, पुणे, डीवायपीडीसी ऑटोमोटिव्ह संशोधन आणि अभ्यास केंद्र, डॉ. डी. वाय. पाटील, पुष्पलता पाटील आंतरराष्ट्रीय शाळा, पाटणा,  डॉ. डी. वाय. पाटील बी-स्कूल, पुणे, डॉ. डी. वाय. पाटील बायोटेक्नॉलॉजी आणि बायोइन्फॉर्मेटिक्स इन्स्टिट्यूट, पुणे, डी. वाय. पाटील आंतरराष्ट्रीय विद्यापीठ, आकुर्डी, पुणे आदी संस्थांचा समावेश आहे