जन्मदात्याचे क्रुर कृत्य! दोन चिमुकल्यांना रात्रभर उलटं टांगलं, एकीचा मृत्यू एक गंभीर..
सर्वात धक्कादायक बाब म्हणजे, मुलगी मृत आणि उलटी टांगलेल्या अवस्थेत असतानाही आई-वडील त्या खाली निवांत झोपले होते. गुरुवारी सकाळी आजोबांनी मुलींना खाली उतरवले, मात्र तोपर्यंत उशीर झाला होता. सानिका मृतावस्थेत आढळली, तर अनुजा बेशुद्ध अवस्थेत होती.
Eduvarta
एज्युवार्त न्यूज नेटवर्क
सांगली जिल्ह्याच्या आटपाडीतून (Sangli Crime News) एक काळीज पिळवटून टाकणारी घटना समोर आली आहे. एका जन्मदात्याने असे क्रूर कृत्य (Father's Shocking Act) केलंय तुमच्याही काळजाचा धरकाप उडेल. केवळ चोरी केल्याच्या शुल्लक संशयावरून दोन निष्पाप चिमुकल्यांना रात्रभर आडूला उलटे टागून अमानुष छळ केला. या क्रूर अत्याचारात १० वर्षीय सानिका हिचा मृत्यू झाला (Sanika passed away), तर तिची ११ वर्षीय बहीण अनुजा गंभीर जखमी अवस्थेत रुग्णालयात उपचार घेत आहे. नाना हैबत यमगर असे मुलींच्या क्रुर पित्याचे नाव आहे. या दोन्ही बहिणी अनुक्रमे चौथी आणि पाचवीच्या वर्गात शिक्षण घेत होत्या.
मिळालेल्या माहितीनुसार, बनपुरी मध्ये केवळ शेजारच्या घरात चोरी केल्याचा संशय शेजाऱ्याने घेतल्याने संतापाच्या भरात या दोन चिमुकल्यांवर त्यांच्या आई-वडिलांकडू निर्दयी अत्याचार करण्यात आला. बुधवारी सायंकाळी सुमारे पाचच्या सुमारास मुलींच्या वडिलांनीच दोन्ही मुलींना हात-पाय बांधून घरातील पत्र्याच्या अँगलला उलटे टांगले. रात्रभर त्या चिमुकल्या वेदनेने तडफडत 'पाणी, पाणी' अशी आर्त हाक देत होत्या. मात्र, निर्दयी आई-वडिलांनी त्यांना मदत तर दूरच, पाण्याचा थेंबही दिला नाही.
दरम्यान, असह्य वेदना सहन करताना चिमुकल्या सानिकाने रात्रीच प्राण सोडला. सर्वात धक्कादायक बाब म्हणजे, मुलगी मृत आणि उलटी टांगलेल्या अवस्थेत असतानाही आई-वडील त्या खाली निवांत झोपले होते. गुरुवारी सकाळी आजोबांनी मुलींना खाली उतरवले, मात्र तोपर्यंत उशीर झाला होता. सानिका मृतावस्थेत आढळली, तर अनुजा बेशुद्ध अवस्थेत होती.
अनुजा शुद्धीवर आल्यानंतर तिने डॉक्टरांना दिलेल्या जबाबात संपूर्ण प्रकार उघड झाला. 'वडिलांनी आम्हाला उलटे टांगून मारहाण केली' असे तिने सांगितल्यावर डॉक्टरांनी तातडीने पोलिसांना माहिती दिली आणि या अमानुष घटनेचा पर्दाफाश झाला. सध्या पोलिसांकडून या प्रकरणाचा सखोल तपास सुरू असून संबंधित आरोपींवर खून आणि खुनाच्या प्रयत्नासारखे गंभीर गुन्हे दाखल दाखल करण्यात आले आहेत.
