CSIR UGC NET निकाल ‘या’ दिवशी जाहीर होणार
उमेदवार निकाल जाहीर झाल्यानंतर https://csirnet.nta.ac.in/ या अधिकृत वेबसाईटवर पाहू शकतात.
eduvarta@gmail.com 
एज्युवार्ता न्यूज नेटवर्क
नॅशनल टेस्टिंग एजन्सीतर्फे (NTA) CSIR UGC NET 2024 चा निकाल (Result) 15 ऑक्टोबरपर्यंत जाहीर होण्याची शक्यता आहे. 'एक्स'वर पोस्ट करत CSIR कडून ही तात्पुरती तारीख जाहीर करण्यात आली आहे. ज्या उमेदवारांनी (candidates) 25, 26 आणि 27 जुलै रोजी CSIR UGC NET परीक्षा (Exams) दिली होती. उमेदवार निकाल जाहीर झाल्यानंतर https://csirnet.nta.ac.in/ या अधिकृत वेबसाईटवर पाहू शकतात.
स्कोअरकार्ड पाहण्यासाठी विद्यार्थ्यांना, त्यांचा अर्ज क्रमांक आणि जन्मतारीख आवश्यक असेल, तसेच या परीक्षेचा निकाल पोस्ट किंवा ई-मेलद्वारे पाठवले जाणार नाहीत, याचीही विद्यार्थ्यांना नोंद घ्यावी.
या परीक्षेला एकूण 2 लाख 25 हजार 335 नोंदणी केली होती. या उमेदवारांपैकी 1 लाख 63 हजार 529 उमेदवार परीक्षेला बसले होते. या परीक्षेसाठी तात्पुरती उत्तर की 8 ऑगस्ट रोजी जारी केली गेली, त्यानंतर 11 ऑगस्ट रोजी अंतिम उत्तर की जाहीर झाली. सुरुवातीला नियोजित असलेली परीक्षा लॉजिस्टिक समस्यांमुळे जुलैमध्ये म्हणजेच 25, 26 आणि 27 जुलै रोजी आयोजित करण्यात आली.
ज्युनियर रिसर्च फेलोशिप (JRF), सहाय्यक प्राध्यापक पदे आणि भारतीय विद्यापीठे, महाविद्यालये आणि संशोधन संस्थांमध्ये पीएचडी प्रवेश यासारख्या भूमिकांसाठी संयुक्त CSIR-UGC NET ही परीक्षा घेतली जाते.
