CET-CELL कडून 10 महाविद्यालयांना प्रवेश रद्द करण्याचे मेल, डी.वाय.पाटील, इंदिरा, कमिन्स, मराठवाडा मित्र मंडळाचा समावेश
संबंधित शैक्षणिक संस्थेची संकेतस्थळाचे तपासणी केले असता संकेतस्थळावर प्रसिद्ध करण्यात आलेल्या वेळापत्रकात केंद्रभूत प्रवेश प्रक्रियेतून रिक्त राहणाऱ्या जागांबाबतचा उल्लेख केलेला आहे. परंतु, संस्था स्तरावरील जागांबाबत उल्लेख केल्याचे दिसून येत नाही, असे संस्थांना पाठवण्यात आलेलल्या मेलमध्ये स्पष्टपणे नमूद करण्यात आले आहे.
eduvarta@gmail.com 
एज्युवार्ता न्यूज नेटवर्क
पुणे व पिंपरी चिंचवड परिसरातील (Pune and Pimpri Chinchwad area)सुमारे दहा व्यावसाय व्यावसायिक अभ्यासक्रमाच्या महाविद्यालयांनी संस्था स्तरावरील प्रवेश नियमबाह्य पद्धतीने राबविल्याचे सबळ पुरावे (Strong evidence of institution-level admissions being conducted irregularly) युवासेनेच्या वतीने राज्य सामाईक प्रवेश परीक्षा कक्षाकडे (सीईटी- सेल) (State Common Entrance Test Cell (CET-CELL) सादर करण्यात आले होते. त्यावर सीईटी सेलने संबंधित महाविद्यालयांना आपण राबविलेले प्रवेश नियमबाह्य असल्याचे निदर्शनास येत असल्याने हे प्रवेश रद्द होतील, असे ईमेलद्वारे स्पष्टपणे कळविले आहे. त्यामुळे संबंधित महाविद्यालयांना मोठा दणका बसणार आहे. दरम्यान, प्रवेश प्रक्रियेत निर्माण झालेल्या गोंधळामुळे कमिन्स कॉलेजमध्ये विद्यार्थ्यांनी (Students at Cummins College)गर्दी केल्याचे फोटो सोशल मीडियावर व्हायरल झाले आहेत.
युवासेनेचे सहसचिव कल्पेश यादव यांनी राज्य सामायिक प्रवेश परीक्षा कक्षाकडे पुणे पिंपरी चिंचवड परिसरातील 10 महाविद्यालयांनी नियमबाह्य प्रवेश प्रक्रिया राबवल्याची तक्रार केली होती. तसेच त्या संदर्भातील पुरावेही सीईटी सेलडकडे बुधवारी सादर केले होते. त्यानंतर सीईटी सेलने संबंधित महाविद्यालयांना ई-मेल पाठवला असून त्यात केंद्रभूत प्रवेश प्रक्रियेमधून रिक्त राहिलेला जागा व संस्था स्तरावरील जागा भरण्याची कार्यवाही माहिती पुस्तिकेमधील नियम क्रमांक 13 नुसार करण्यात यावी. अन्यथा आपल्या संस्थेमार्फत नियमबाह्य प्रवेश प्रक्रिया राबवण्यात आल्याचे सिद्ध झाल्यास, असे सर्व नियमबाह्य प्रवेश हे प्रवेश नियमक प्राधिकरणाकडून रद्द करण्यात येतील याची नोंद घ्यावी, असे मेलद्वारे पुन्हा कळविले आहे.
सीईटी सेलकडे प्राप्त झालेल्या तक्रारीनुसार आणि संबंधित शैक्षणिक संस्थेची संकेतस्थळाचे तपासणी केले असता संकेतस्थळावर प्रसिद्ध करण्यात आलेल्या वेळापत्रकात केंद्रभूत प्रवेश प्रक्रियेतून रिक्त राहणाऱ्या जागांबाबतचा उल्लेख केलेला आहे. परंतु, संस्था स्तरावरील जागांबाबत उल्लेख केल्याचे दिसून येत नाही, असे संस्थांना पाठवण्यात आलेलल्या मेलमध्ये स्पष्टपणे नमूद करण्यात आले आहे. असे मेल 10 महाविद्यालयांना पाठविण्यात आले आहेत.
युवासेनेचे सहसचिव कल्पेश यादव यांनी आपल्या 'एक्स' या सोशल मीडिया हँडलवर या संदर्भातील माहिती प्रसिद्ध केली आहे. त्यात 'सीईटी सेलकडे सादर करण्यात आलेल्या पुराव्यानुसार संबंधित महाविद्यालयांनी राबवलेले प्रवेश प्रक्रिया नियमबाह्य असल्याचे निष्पन्न झाले आहे. त्यामुळे संबंधित महाविद्यालयांना सीईटी सेलने ईमेल द्वारे आपले प्रवेश रद्द होतील, असे कळविले आहे. दरम्यान कमिंग कॉलेज में मॅनेजमेंट कोट्यातील प्रवेश परस्पर केल्यामुळे विद्यार्थी व पालकांनी कॉलेज कॅम्पस मध्ये येऊन गोंधळ घातला आहे.'अशी माहिती प्रसिद्ध केले आहे.
सीईटी सेलकडे खालील शैक्षणीक संस्थांच्या नियमबाह्य प्रवेशाची तक्रार करण्यात आली होती
१)डी. वाय. पाटील इंजीनिअरिंग अँड मॅनेजमेंट कॉलेज, आकुर्डी
२)डी. वाय. पाटील इंजीनिअरिंग अँड मॅनेजमेंट कॉलेज, पिंपरी
३)कमिन्स इंजीनिअरिंग कॉलेज कोथरूड,
४)भारती विद्यापीठ काॅलेच ऑफ इंजीनिअरिंग फाॅर वुमन पुणे
५)इंदिरा इंजीनिअरिंग ॲंड मॅनेजमेंट कॉलेज
६)पुणे विद्यार्थी गृह इंजीनिअरिंग कॉलेज
७)अजिंक्य डी. वाय. पाटील इंजीनिअरिंग अँड मॅनेजमेंट कॉलेज लोहगाव
८) मॉर्डन इंजीनिअरिंग कॉलेज
९) मराठवाडा इंजीनिअरिंग कॉलेज, कर्वे रोड
१०) मराठवाडा इंजीनिअरिंग कॉलेज, लोहगाव
------------------------
