अमेरिकेचा शोध कोलंबसने नाही तर भारतीयांनी लावला; 'या' बड्या मंत्र्याचा दावा

एज्युवार्ता न्यूज नेटवर्क 

अमेरिकेचा (America) शोध कोणी लावला, याबद्दलची खोटी माहिती आपल्या विद्यार्थ्यांना (students) दिली जात आहे. या देशाचा शोध ख्रिस्तोफर कोलंबसने (Christopher Columbus) लावला नसून आपल्या भारतीय पूर्वजांनी (Indian ancestors) लावला आहे, असा दावा मध्य प्रदेशचे उच्च शिक्षण मंत्री इंदर सिंग परमार (Madhya Pradesh Higher Education Minister Inder Singh Parmar) यांनी केला आहे. परमार यांच्या या दाव्यामुळे राजकीय वर्तुळात नवीन वाद निर्माण झाला आहे. 

भोपाळ (Bhopal) येथील बरकतुल्लाह विद्यापीठाच्या (Barakatullah University) दीक्षांत समारंभात परमार बोलताना, "भारताचा महान नायक वसुलुन आठव्या शतकात तेथे गेला होता आणि त्याने अमेरिकेतील सँटियागो येथे अनेक मंदिरे बांधली. तिथल्या एका संग्रहालयात हे तथ्य आजही लिहिलेले आहे. ही वस्तुस्थिती अजूनही तिथल्या लायब्ररीत ठेवली आहे.” 

पुढे बोलताना परमार म्हणाले, "कोलंबसने अमेरिकेचा शोध लावला भारतीय विद्यार्थ्यांचा त्याच्याशी काहीही संबंध नव्हता. जर त्यांना हे शिकवायचेच होते तर त्यांना हे देखील शिकवायला हवे होते की कोलंबस नंतरच्या लोकांनी तिथल्या समाजावर कसा अत्याचार केला आणि तिथल्या आदिवासी समाजाचा कसा  नाश केला. याउलट कोलंबसने अमेरिकेचा शोध लावला असे भारतीय विद्यार्थ्यांना शिकवले जाते."
भारताचा शोध देखील वास्को द गामाने लावलेला नाही. परमार इथेच थांबले नाहीत तर त्यांनी भारतबद्द्लही चुकीचा इतिहास शिकवला जात असल्याचे म्हटले आहे. 

परमार म्हणाले, "वास्को द गामा चंदनाच्या जहाजाचा पाठलाग करून भारतात पोहोचला. वास्को द गामाने स्वत: लिहिले आहे की भारतीय व्यापारी चंदनाचे जहाज वापरायचे जे  त्याच्या जहाजापेक्षा खूप मोठे होते, परंतु विद्यार्थ्यांना पोर्तुगीजांनी भारताचा शोध लावल्याचा चुकीचा इतिहास शिकवला जातो."