CBSE 2024 : दहावीच्या सप्लीमेंट्री परीक्षेचा निकाल जाहीर
दहावी सप्लीमेंट्री परीक्षेचा निकाल जाहीर करण्यात आला आहे. 10 वी परीक्षेचा निकाल विद्यार्थ्यांना अधिकृत वेबसाइट, results.cbse.nic.in वर पाहाता येणार आहे.
eduvarta@gmail.com 
एज्युवार्ता न्यूज नेटवर्क
सेंट्रल बोर्ड ऑफ सेकेंडरी एज्युकेशन मंडळाने (CBSE) 2023-24 या वर्षासाठी वरिष्ठ माध्यमिक विद्यार्थ्यांसाठी घेतलेल्या सप्लीमेंट्री परीक्षांचे निकाल नुकतेच जाहीर केले. त्यानंतर आता मागील काही दिवसांपासून प्रतीक्षेत असेलेल्या विद्यार्थ्यांचा दहावीच्या सप्लीमेंट्री परीक्षेचा निकाल जाहीर (10th Supplementary Exam Result Declared) करण्यात आला आहे. सोमवार दि. ५ ऑगस्ट रोजी बोर्डाने दहावीचा निकाल जाहीर झाला असून विद्यार्थ्यांना अधिकृत वेबसाइट results.cbse.nic.in वर निकाल पाहाता येणार आहे.
दहावी सप्लीमेंट्री परीक्षा 15 जुलै ते 22 जुलै 2024 या कालावधीत घेण्यात आल्या. या परीक्षांमध्ये देशभरातून 1.32 लाखांहून अधिक विद्यार्थी बसले होते. जे मागील काही दिवसांपासून CBSE 10 व्या सप्लीमेंट्री निकाल 2024 निकालाची वाट पाहत होते.
सीबीएसई बोर्डाने 13 मे रोजी माध्यमिक विद्यार्थ्यांच्या वार्षिक परीक्षांचे निकाल जाहीर केले. यावेळी 1.32 लाखांहून अधिक विद्यार्थ्यांनी परीक्षा दिली. याशिवाय गुण सुधारण्यासाठी पुरवणी परीक्षेत बसलेल्या विद्यार्थ्यांचे निकाल देखील सप्लीमेंट्री परीक्षेच्या निकालासह (CBSE बोर्ड 10 वी सप्लीमेंट्री निकाल 2024) जाहीर केले गेले आहेत.
असा पाहाता येणार निकाल
प्रथम विद्यार्थ्यांना results.cbse.nic.in या लिंकवर क्लिक करावे लागेल. त्यानंतर समोर दिसणाऱ्या स्क्रीनवर रोल नंबर, शाळा क्रमांक, प्रवेशपत्र आयडी, जन्म तारिख आणि सिक्युरिटी पिन भरून सबमिट करावे लागेल. यानंतर उमेदवाराला स्क्रीनवर त्यांचा निकाल पाहाता येणार आहे. या सुधारित गुणपत्रिकेची प्रिंट घेतल्यानंतर विद्यार्थ्यांनी त्याची सॉफ्ट कॉपीही जतन करावी.
