मॉडर्न महाविद्यालयात ‘आविष्कार-२०२६’ स्पर्धा उत्साहात संपन्न

एज्युवार्ता न्यूज नेटवर्क 

प्रोग्रेसिव्ह एज्युकेशन सोसायटीच्या गणेशखिंड येथील मॉडर्न महाविद्यालयात सावित्रीबाई फुले पुणे विद्यापीठाच्या ‘आविष्कार-२०२६’ स्पर्धेचे आयोजन करण्यात आले. विविध सहा गटांमध्ये विद्यार्थ्यांनी संशोधनाधारित प्रकल्प सादर केले. त्यापैकी पदवी (UG) गटातील १६, पदव्युत्तर (PG) गटातील १० आणि पीपीजी (PPG) गटातील ३, अशा एकूण २९ प्रकल्पांची विभागीय स्तरावरील स्पर्धेसाठी निवड करण्यात आली.

स्पर्धेपूर्वी ‘आविष्कार’ ओरिएंटेशन कार्यक्रम घेण्यात आला. यावेळी एसपीपीयूच्या प्रा. प्रगती ठाकूर यांनी विद्यार्थ्यांना स्पर्धेचे स्वरूप, प्रकल्प सादरीकरण आणि संशोधन प्रक्रियेबाबत मार्गदर्शन केले.स्पर्धेत मूलभूत विज्ञान, शेती व पशुसंवर्धन, अभियांत्रिकी व तंत्रज्ञान, मानवता-भाषा व ललित कला, वाणिज्य व व्यवस्थापन तसेच औषध व फार्मसी या सहा गटांमध्ये एकूण १४० प्रकल्प सादर करण्यात आले. यामध्ये मूलभूत विज्ञान २२, शेती व पशुसंवर्धन २९, अभियांत्रिकी व तंत्रज्ञान ३२, मानवता-भाषा व ललित कला २७, वाणिज्य व व्यवस्थापन २० आणि औषध व फार्मसी १० प्रकल्पांचा समावेश होता.

मूलभूत विज्ञान गटात जॅनेट मकासरे व रिमी घ यांनी प्रथम, नम्रता दांगी यांनी द्वितीय, तर पूजा सिंग यांनी तृतीय क्रमांक मिळविला. शेती व पशुसंवर्धन गटातील UG मध्ये नेहा पवार, निशा गुप्ता व सानिका घोगरे यांनी प्रथम, हिरल चव्हाण व शरयू साळवे यांनी द्वितीय, तर समिधा जाधव, आयुषी कुमारी व तनिष्का काळे यांनी तृतीय क्रमांक मिळविला. PG गटात तेजस्विनी विभुते, जागृती व अनुज कराडे यांनी अनुक्रमे प्रथम, द्वितीय व तृतीय क्रमांक मिळविला. PPG गटात प्रज्ञा आचार्य प्रथम, तर रवींद्र शिंदे द्वितीय ठरले.

अभियांत्रिकी व तंत्रज्ञान गटात मानेश दांदेगावकर व हर्षल मोरे यांनी प्रथम, पृथ्वीराज लोले यांनी द्वितीय, तर अक्षय बिराजदार, सार्थक जोशी व वेदांत गायकवाड यांनी तृतीय क्रमांक मिळविला. PG गटात श्रावण पडळे यांनी प्रथम क्रमांक पटकाविला.

मानव्य विज्ञान , भाषा व ललित कला गटातील UG मध्ये समृद्धी गायकवाड व अनिता अग्रवाल यांनी प्रथम, शरण्या चक्रवर्ती यांनी द्वितीय, तर माहेश्वरी पांडे व भाग्यश्री शेटे यांनी तृतीय क्रमांक मिळविला. PG गटात नेहा उमदिकर प्रथम, वैष्णवी वायचळ द्वितीय, तर प्रांजल सागवेकर तृतीय ठरल्या.

वाणिज्य व व्यवस्थापन गटातील UG मध्ये कस्तुरी गोसावी, निशिगंधा राणे, कास्मेया वाजे व अरुण मंडल यांनी प्रथम, सुयश अटकारे, कृतिका गवळी व सौरभ गायकवाड यांनी द्वितीय क्रमांक मिळविला. PG गटात आदित्य दांडवते व शंतनू सुतार प्रथम, तेजस पुंडलिक आहेर व मनीष जाधव द्वितीय, तर ऋतुजा राऊत व प्रतिक्षा जवंजाळ तृतीय ठरल्या.

औषध व फार्मसी गटातील UG मध्ये प्रियांका गोदारा व निसा मानियार यांनी प्रथम, श्रावणी कदम व मेघा सूर्यवंशी यांनी द्वितीय, तर अनुष्का शिंदे, मेबल चेट्टियार व श्रावणी शिंदे यांनी तृतीय क्रमांक मिळविला. PG गटात हर्षवर्धन जाधव प्रथम, प्रणव संतोष पाटील द्वितीय, तर आर्यराज चव्हाण व रुपेश सनातन तृतीय ठरले. PPG गटात गायत्री टिंगरे यांनी प्रथम क्रमांक मिळविला.

समारोप कार्यक्रमात प्रमुख पाहुणे प्रा. अरविंद शाळिग्राम (डायरेक्टर, इस्रो-एसपीपीयू सेल व सीईओ, इनोव्हेशन पार्क फाउंडेशन, एसपीपीयू, पुणे) यांनी ‘आविष्कार’ स्पर्धेचे महत्त्व विशद करून विद्यार्थ्यांना मार्गदर्शन केले. त्यांच्या हस्ते विजेत्या विद्यार्थ्यांना प्रमाणपत्रांचे वितरण करण्यात आले. प्राचार्य डॉ. संजय खरात यांनी महाविद्यालयातील विविध संशोधनपर उपक्रमांची माहिती दिली.

या कार्यक्रमास डॉ. गजानन एकबोटे, डॉ. ज्योत्स्ना एकबोटे आणि प्रा. शामकांत देशमुख यांचे मार्गदर्शन व प्रोत्साहन लाभले.

स्पर्धेसाठी विविध गटांमध्ये डॉ. नंदिनी कोठावकर, लेफ्टनंट डॉ. प्रतिभा राव, डॉ. केदार अहिरे, डॉ. प्रेरणा जोहरी, डॉ. ज्योती यादव, डॉ. सुवर्णा म्हसेकर, डॉ. प्रशांत आपटे, डॉ. प्रेरणा उबाळे, डॉ. फ्रँकलिन सालवी, प्रा. पराग शहा, डॉ. कीर्ती लिमगावकर आणि डॉ. गीतांजली लिटके यांनी परीक्षक म्हणून काम पाहिले.

स्पर्धेच्या यशस्वी आयोजनासाठी उपप्राचार्य प्रा. स्वाती कंधारकर, प्रा. पराग शहा, डॉ. गौरी कोपर्डेकर, डॉ. विनायकुमार, डॉ. दिपाली मेहेर, श्री. प्रकाश रेणुसे आणि श्री. अमृत कदम यांनी सहकार्य केले. आविष्कार समितीच्या सदस्यांनीही आयोजनात महत्त्वपूर्ण सहभाग घेतला. संपूर्ण स्पर्धेचे समन्वयन अकॅडमिक रिसर्च को-ऑर्डिनेटर डॉ. सुषमा कातडे यांनी केले.