कंपनी सेक्रेटरी जून परीक्षांसाठी नोंदणी करण्याची आणखी एक संधी ; 19 एप्रिलपर्यंत फॉर्म भरा
ज्या विद्यार्थ्यांना त्यांच्या फॉर्ममध्ये दुरुस्त्या करायच्या आहेत अशा विद्यार्थ्यांसाठी 20 एप्रिल रोजी दुरुस्ती विंडो सुरु करण्यात येणार आहे.
eduvarta@gmail.com 
एज्युवार्ता न्यूज नेटवर्क
कंपनी सेक्रेटरी (company secretary-cs ) एक्झिक्युटिव्ह आणि प्रोफेशनल (Executive and Professional)जून 2024 परीक्षांची तयारी करणाऱ्या विद्यार्थ्यांसाठी महत्वाची बातमी. इन्स्टिट्यूट ऑफ कंपनी सेक्रेटरीज ऑफ इंडिया (ICSI) ने CS जून 2024 परीक्षेचे ऑनलाइन नोंदणीसाठी विंडो पुन्हा उघडण्याची घोषणा केली आहे.मंगळवार, 16 एप्रिल 2024 रोजी संस्थेने जारी केलेल्या नोटीसनुसार, विद्यार्थी 17 एप्रिल रोजी दुपारी 4 ते 19 एप्रिल रोजी रात्री 11.59 वाजेपर्यंत नोंदणी करू शकतील.
ICSI ने CS एक्झिक्युटिव्ह आणि प्रोफेशनल जून 2024 परीक्षांच्या नोंदणीसाठी 9 एप्रिल पर्यंत मुदत दिली होती. मात्र, त्यानंतरही नोंदणी न करू शकलेल्या विद्यार्थ्यांना संस्थेने आणखी एक संधी दिली आहे. या कालावधीत, विद्यार्थ्यांना परीक्षा फॉर्म भरताना विलंब शुल्क देखील भरावे लागेल. तसेच ICSI ने विद्यार्थ्यांना सबमिट केलेल्या फॉर्ममध्ये दुरुस्ती करण्याची संधी देखील दिली आहे. ज्या विद्यार्थ्यांना त्यांच्या फॉर्ममध्ये दुरुस्त्या करायच्या आहेत अशा विद्यार्थ्यांसाठी 20 एप्रिल रोजी दुरुस्ती विंडो सुरु करण्यात येणार आहे.
यापूर्वी, ICSI ने CS एक्झिक्युटिव्ह आणि प्रोफेशनल जून 2024 परीक्षांचे सुधारित वेळापत्रक जारी केले होते. नवीन वेळापत्रकानुसार, परीक्षा 2 ते 10 जून 2024 या कालावधीत घेण्यात येतील.
