पहिल्याच प्रयत्नात २२ व्या वर्षी 'समर्थ शिंदे'ने UPSC केली क्रॅक
यूपीएससी परीक्षेत समर्थ शिंदे याने पहिल्याच प्रयत्नात, वयाच्या केवळ २२ व्या वर्षी देशात २५५ वा रँक मिळवला आहे.
eduvarta@gmail.com 
एज्युवार्ता न्यूज नेटवर्क
यूपीएससी परीक्षेत समर्थ शिंदे याने पहिल्याच प्रयत्नात, वयाच्या केवळ २२ व्या वर्षी देशात २५५ वा रँक मिळवला आहे. सध्या समर्थ चाणक्य मंडलमध्ये इतरांनाही मार्गदर्शन करतो.भारतात दुसरा आलेला अनिमेश प्रधान, सहावी आलेली सृष्टी डाबस व महाराष्ट्रात पहिला आलेला कुश मोटवानी यांनी चाणक्य मंडल परिवारमध्ये परीक्षेच्या विविध टप्प्यांवर मार्गदर्शन घेतले आहे.
चाणक्य मंडलचा विद्यार्थी-प्राध्यापक समर्थ म्हणाला, अविनाश धर्माधिकारी यांची अनेक व्याख्याने ऐकत आलो. देशात ११ वा आलेल्या कुश मोटवानी याने अविनाश धर्माधिकारी यांनी केलेल्या मोलाच्या मार्गदर्शनाचा खूप उपयोग झाल्याची प्रतिक्रिया व्यक्त केली.
यावर्षी केंद्रीय लोकसेवा आयोगाकडून एकूण १०१६ जागांसाठी उमेदवारांची निवड करण्यात आली आहे. त्यांपैकी तब्बल ३०६ विद्यार्थ्यांनी चाणक्य मंडल परिवारमध्ये विविध टप्प्यांवर मार्गदर्शन घेतले आहे. संपूर्ण भारतात पहिल्या १० मध्ये ३, पहिल्या २० मध्ये ६, पहिल्या ५० मध्ये १७ तर पहिल्या १०० पैकी ३२ विद्यार्थ्यांनी चाणक्य मंडल परिवारमध्ये परीक्षेसंबंधी मार्गदर्शन घेतले.
मागील सहा वर्षांपासून चाणक्य मंडल दिल्लीतही अभिरूप मुलाखतींचे आयोजन करत असून देशभरातातील हजारो विद्यार्थ्यांचा त्याला उत्स्फूर्त आणि वाढता प्रतिसाद मिळत आहे. यावर्षीदेखील मुलाखतीचं मार्गदर्शन, स्वतः अविनाश धर्माधिकारी यांच्या समुपदेशन आणि अभिरूप मुलाखतींना भारतभरातून विद्यार्थ्यांनी उत्स्फूर्त प्रतिसाद दिला.
चाणक्य मंडलचे संस्थापक आणि संचालक अविनाश धर्माधिकारी यांनी प्रशासन स्वच्छ आणि कार्यक्षम ठेवत उत्तम काम करणारे 'कार्यकर्ता अधिकारी' होण्यासाठी यशस्वीतांना शुभेच्छा दिल्या,असे चाणक्य मंडल तर्फे कळवण्यात आले आहे.
