JEE ॲडव्हान्स २०२३ परीक्षेचा निकाल जाहीर
जेइई ॲडव्हान्स परीक्षेचा निकाल जाहीर झाला असून परीक्षेत प्रविष्ट झालेल्या १ लाख ८० हजार ३७२ विद्यार्थ्यांपैकी ४३ हजार ७७३ विद्यार्थी पात्र ठरले आहेत.
eduvarta@gmail.com 
एज्युवार्ता न्यूज नेटवर्क
JEE Advanced 2023: इंडियन इन्स्टिट्यूट ऑफ टेक्नॉलॉजी, गुवाहाटीतर्फे घेण्यात आलेल्या जेइई ॲडव्हान्स परीक्षेचा निकाल जाहीर झाला असून परीक्षेत प्रविष्ट झालेल्या १ लाख ८० हजार ३७२ विद्यार्थ्यांपैकी ४३ हजार ७७३ विद्यार्थी पात्र ठरले आहेत. पात्र ठरलेल्या एकूण विद्यार्थ्यांमध्ये ७ हजार ५०९ विद्यार्थिनी आहेत. कॉमन रॅंक लिस्टमध्ये (सीआरएल) वाविलाला रेड्डी याने ३६० पैकी ३४१ गुण मिळवून देशात प्रथम क्रमांक पटकावला आहे. तर नवकांती नागा भाव्याश्री हिने मुलींमध्ये अव्वल क्रमांक मिळाला आहे. Jeeadv.ac.in या संकेतस्थळावर परीक्षेचा निकाल उपलब्ध आहे.
हेही वाचा :PUNE UNIVERSITY : पदवी अभ्यासक्रमाचे प्रवेश अर्ज करण्यासाठी मुदतवाढ
जेईई ॲडव्हान्स परीक्षेसाठी १ लाख ४६ हजार १११ मुलांनी नोंदणी केली होती. त्यातील १ लाख ३९ हजार ७२७ विद्यार्थी परीक्षेत प्रविष्ट झाले. त्यामधील ३६ हजार २६४ विद्यार्थी पात्र ठरले आहेत. तर परीक्षेसाठी नोंदणी केलेल्या ४३ हजार ६३३ मुलींपैकी ४० हजार ६४५ मुलींनी परीक्षा दिली. त्यातील ७ हजार ५०९ मुली पात्र ठरल्या आहेत.
------------
देशातील पहिले दहा टॉपर
१. वाविलाला चिडविलास रेड्डी- IIT हैद्राबाद
२ रमेश सूर्य थेजा- IIT हैद्राबाद
३ ऋषी कालरा - IIT रुरकी
४ राघव गोयल - IIT रुरकी
५अड्डागड वेंकट शिवराम - IIT हैद्राबाद
६ प्रभाव खंडेलवाल - IIT दिल्ली
७ बिक्कीना अभिनव चौधरी - IIT हैद्राबाद
८ मलय केडिया - IIT दिल्ली
९ नागिरेड्डी बालाजी रेड्डी - IIT हैद्राबाद
१०. यक्कांती पाणी वेंकट - IIT हैद्राबाद
--------
महाराष्ट्रातील पहिले पाच विद्यार्थी
१ उज्वल शंकर - सीआरएल ११
२ युवराज गुप्ता - सीआरएल १३
३ चैतन्य महेश माहेश्वरी - सीआरएल १५
४ जात्स्य जरीवाला - सीआरएल २४
५ सुमेध एस. एस. - सीआरएल ३७
