CBSE 10वी, 12वी परीक्षेत 44 लाख विद्यार्थी सहभागी होणार; बोर्डाची माहिती
CBSE ने दिलेल्या माहितीनुसार, 2025 च्या बोर्डाच्या परीक्षेत एकूण 44 लाख विद्यार्थी सहभागी होणार आहेत. दोन्ही वर्गांच्या परीक्षा देशभरातील 8 हजार परीक्षा केंद्रांवर आणि भारताबाहेरील 26 देशांमध्ये घेतल्या जातील, असे सांगण्यात आले आहे.
eduvarta@gmail.com 
एज्युवार्ता न्यूज नेटवर्क
केंद्रीय माध्यमिक शिक्षण मंडळाने (CBSE) 10वी आणि 12वी बोर्डाच्या परीक्षांसाठी (10th and 12th Board Exams) एक मोठी अपडेट शेअर केली आहे. CBSE ने दिलेल्या माहितीनुसार, 2025 च्या बोर्डाच्या परीक्षेत एकूण 44 लाख विद्यार्थी सहभागी होणार (44 lakh students will participate in the board exam) आहेत. दोन्ही वर्गांच्या परीक्षा देशभरातील 8 हजार परीक्षा केंद्रांवर आणि भारताबाहेरील 26 देशांमध्ये घेतल्या जातील, असे सांगण्यात आले आहे.
गेल्या वर्षी सीबीएसईने डिसेंबर महिन्याच्या दुसऱ्या आठवड्यात डेट शीट प्रसिद्ध केली होती. अशा परिस्थितीत, असा अंदाज आहे की यावर्षीही मंडळ डिसेंबर 2024 च्या दुसऱ्या आठवड्यात ते प्रकाशित करेल. मात्र, याबाबत बोर्डाकडून अद्याप कोणतीही अधिकृत माहिती देण्यात आलेली नाही.
प्रसारमाध्यमांमध्ये येत असलेल्या बातम्यांनुसार, CBSE फेब्रुवारी 2025 पासून बोर्डाच्या परीक्षा सुरू करू शकते. गेल्या वर्षीही दोन्ही वर्गांच्या परीक्षा एकाच तारखेपासून सुरू झाल्या होत्या. नवीन आणि अधिकच्या माहितीसाठी विद्यार्थी वेळोवेळी CBSE च्या अधिकृत वेबसाइटला भेट देऊ शकतात.
बोर्डाच्या परीक्षांबाबत सीबीएसईने सूचना प्रसिद्ध केल्या आहेत. यावेळी, ज्या शाळांमध्ये उच्चस्तरीय सीसीटीव्ही कॅमेरे बसवलेले आहेत, त्या शाळांमध्येच बोर्डाच्या परीक्षा घेतल्या जातील. जेणेकरून विद्यार्थ्यांवर लक्ष ठेवता येईल आणि बोर्ड परीक्षा काॅपीमुक्त करता येतील. आतापर्यंत बोर्डाकडून सीसीटीव्ही लावणे बंधनकारक नव्हते मात्र गेल्या काही परीक्षांमधील पेपरफुटीच्या समस्येमुळे हे पाऊल उचलण्यात आले आहे. सीसीटीव्ही कॅमेऱ्यांद्वारे प्रत्येक विद्यार्थ्यावर नजर ठेवली जाईल.
