NEET UG नोंदणी संदर्भात NTA ने शिथिल केला 'हा' निर्णय
एनटीएने त्यांच्या ताज्या सूचनेत विद्यार्थ्यांमध्ये निर्माण झालेल्या गोंधळाबाबत स्पष्टीकरण दिले आहे. एनटीएने स्पष्ट केले आहे की नीट यूजी २०२५ नोंदणीसाठी अपार आयडी अनिवार्य नाही. उमेदवार नोंदणी करण्यासाठी इतर पद्धती देखील वापरू शकतात.
Eduvarta
0
एज्युवार्ता न्यूज नेटवर्क
नॅशनल टेस्टिंग एजन्सीने (National Testing Agency) NTA अलीकडेच NEET UG 2025 साठी नवीन मार्गदर्शक तत्त्वे प्रसिद्ध केली आहेत. या सूचनांनुसार विद्यार्थ्यांना आता अर्ज प्रक्रियेदरम्यान आधार कार्डसह एक नवीन ओळख क्रमांक, ऑटोमेटेड परमनंट अकादमिक अकाउंट रजिस्ट्री (Automated Permanent Academic Account Registry) APAAR आयडी आवश्यक असेल, असे सांगितले होते. पण आता NTA ने आपला हा निर्णय बदलला आहे. (But now the NTA has changed its decision) NEET UG 2025 नोंदणीसाठी अपार बंधनकारक नसल्याचे आयोगाने स्पष्ट केले आहे.
एनटीएने त्यांच्या सूचनेत विद्यार्थ्यांमध्ये निर्माण झालेल्या गोंधळाबाबत स्पष्टीकरण दिले आहे. एनटीएने स्पष्ट केले आहे की, नीट यूजी २०२५ नोंदणीसाठी अपार आयडी अनिवार्य नाही. उमेदवार नोंदणी करण्यासाठी इतर पद्धती देखील वापरू शकतात.
एनटीएचे म्हणणे आहे की,अर्ज प्रक्रिया सोपी, सुरक्षित आणि विश्वासार्ह करण्यासाठी NEET परीक्षा प्रक्रियेत आधार आणि अपार आयडीचा वापर केला जात आहे. याद्वारे विद्यार्थ्यांची ओळख पटवण्याची अचूकता सुनिश्चित केली जाईल. एनटीएने असेही सुचवले आहे की, जे विद्यार्थी नीट यूजी २०२५ परीक्षेला बसणार आहेत त्यांनी अर्ज प्रक्रिया सुरू होण्यापूर्वी त्यांचे अपार आयडी तयार करावे आणि त्यांचे आधार कार्ड तपशील अपडेट करावेत.
एजन्सीने आपल्या नवीन सूचनेत म्हटले आहे की, '१४ जानेवारी २०२५ रोजीच्या सार्वजनिक सूचनेत उमेदवारांना त्यांचे आधार क्रेडेन्शियल्स अपडेट करण्यास आणि त्यांचे APAAR आयडी एकत्रित करण्यास सांगण्यात आले आहे. विद्यार्थ्यांच्या शैक्षणिक क्रेडिट्स डिजिटल पद्धतीने संग्रहित करण्यासाठी आणि त्यांच्या शैक्षणिक प्रवासाची सर्वसमावेशक नोंद सुनिश्चित करण्यासाठी डिझाइन केले आहे. हे स्पष्ट केले आहे की, NEET UG 2025 नोंदणी क्रमांकासाठी APAAR आयडी अनिवार्य करण्यात आले होते. मात्र आता उमेदवार इतर उपलब्ध माध्यमांचा वापर करून परीक्षेसाठी नोंदणी करणे सुरू ठेवू शकतात. नोंदणीसाठी अपार आयडी बंधनकारक नाही'
