NIOS मधून शिकणारे उमेदवार ठरणार NEET UG 2025 साठी पात्र
एनएमसीने त्यांच्या अधिकृत निवेदनात म्हटले आहे की, "आमच्या लक्षात आले आहे की राष्ट्रीय चाचणी संस्थेने (एनटीए) जारी केलेल्या एनईईटी यूजी २०२५ माहिती बुलेटिनबाबत गोंधळ आहे आणि असा दावा केला जात आहे की ते एनएमसीच्या नियमांनुसार नाही.
eduvarta@gmail.com 
एज्युवार्ता न्यूज नेटवर्क
नॅशनल इन्स्टिट्यूट ऑफ ओपन स्कूलिंग मधून (National Institute of Open Schooling) NIOS शिकणारे उमेदवार देखील राष्ट्रीय पात्रता सह प्रवेश परीक्षा (NEET UG 2025) साठी अर्ज करण्यास पात्र आहेत. (Candidates are also eligible to apply for the National Eligibility cum Entrance Exam) NEET UG 2025 माहिती बुलेटिनमध्ये निर्माण झालेल्या गोंधळाच्या आणि माहिती अधिकार (RTI) अंतर्गत विचारलेल्या प्रश्नांच्या उत्तरात हे राष्ट्रीय वैद्यकीय आयोगाने (MNC) कडून स्पष्टीकरण देण्यात आले आहे.
NEET परीक्षे संदर्भात NTA कडून प्रकाशित करण्यात आलेल्या माहिती बुलेटीन नंतर खाजगी किंवा NIOS चे विद्यार्थी NEET परीक्षेस पात्र आहेत की नाही या विषयी उमेदवारांमध्ये संभ्रम निर्माण झाला होता. या पार्श्वभूमीवर NMC कडून हा खुलासा करण्यात आला आहे.
एनएमसीने त्यांच्या अधिकृत निवेदनात म्हटले आहे की, "आमच्या लक्षात आले आहे की राष्ट्रीय चाचणी संस्थेने (एनटीए) प्रसिद्ध केलेल्या एनईईटी यूजी २०२५ माहिती बुलेटिनबाबत गोंधळ आहे. उमेदवारांकडून असा दावा केला जात आहे की, ते एनएमसीच्या नियमांनुसार नाही. हे स्पष्ट करण्यात येत आहे की NIOS शिक्षण घेणारे उमेदवार किंवा खाजगी उमेदवार देखील NEET UG 2025 साठी पात्र असतील. या संदर्भात दिलेल्या माहितीबाबत कोणताही गैरसमज असता कामा नये.'
या स्पष्टीकरणानंतर हे स्पष्ट झाले आहे की NIOS मधून केलेले अभ्यास आणि त्याअंतर्गत घेतलेले अतिरिक्त विषय परीक्षेसाठी वैध आहेत.
