मुंबई विद्यापीठाची प्रवेशपूर्व ऑनलाईन नावनोंदणी प्रक्रिया सुरू
तीन वर्षीय पदवी अभ्यासक्रम, चार वर्षीय ऑनर्स/ ऑनर्स विथ रिसर्च, पाच वर्षीय इंटिग्रेटेड प्रोग्राम्स विथ मल्टीपल एन्ट्री अँड मल्टीपल एक्जिट या अभ्यासक्रमांच्या पदवीच्या प्रथम वर्षासाठी ही प्रवेश प्रक्रिया राबवली जाणार आहे.
eduvarta@gmail.com 
एज्युवार्ता न्यूज नेटवर्क
मुंबई विद्यापीठाशी (Mumbai University) संलग्नित महाविद्यालये, स्वायत्त महाविद्यालये, विद्यापीठातील पदव्युत्तर विभाग आणि मान्यताप्राप्त शिक्षणसंस्थामध्ये शैक्षणिक वर्ष २०२५-२०२६ साठी पदवीच्या ३ आणि ४ वर्षीय अभ्यासक्रमांच्या प्रथम वर्षाला प्रवेश घेऊ इच्छिणाऱ्या विद्यार्थ्यांसाठी तसेच पदव्युत्तर अभ्यासक्रमांच्या प्रथम वर्षाला प्रवेश घेऊ इच्छिणाऱ्या विद्यार्थ्यांसाठी मुंबई विद्यापीठाची प्रवेशपूर्व ऑनलाईन नाव नोंदणीची प्रक्रिया सुरू करण्यात आली आहे. (Pre-admission online registration process begins) राष्ट्रीय शैक्षणिक धोरणाच्या अंमलबजावणीच्या अनुषंगाने ही प्रक्रिया राबवण्यात येत आहे.
यासाठी विद्यार्थ्यांना मुंबई विद्यापीठाच्या https://mu.ac.in/admission या संकेतस्थळावर जाऊन नोंदणी करायची आहे. तीन वर्षीय पदवी अभ्यासक्रम, चार वर्षीय ऑनर्स/ ऑनर्स विथ रिसर्च, पाच वर्षीय इंटिग्रेटेड प्रोग्राम्स विथ मल्टीपल एन्ट्री अँड मल्टीपल एक्जिट या अभ्यासक्रमांच्या पदवीच्या प्रथम वर्षासाठी ही प्रवेश प्रक्रिया राबवली जाणार आहे. तसेच विद्यापीठातील विविध शैक्षणिक विभाग आणि संलग्नित महाविद्यालयामार्फत राबविण्यात येत असलेल्या विविध पदव्युत्तर शैक्षणिक अभ्यासक्रमांच्या प्रथम वर्षाला प्रवेश घेऊ इच्छिणाऱ्या विद्यार्थ्यांसाठीही प्रवेशपूर्व नावनोंदणी सुरु करण्यात आली आहे. तसेच दूरस्थ व ऑनलाईन शिक्षण केंद्राचीही प्रवेश प्रक्रिया लवकरच सुरु केली जाणार आहे.
यासाठी विद्यार्थ्यांना मुंबई विद्यापीठाच्या https://mu.ac.in/admission या संकेतस्थळावर जाऊन नोंदणी करायची आहे. तीन वर्षीय पदवी अभ्यासक्रम, चार वर्षीय ऑनर्स/ ऑनर्स विथ रिसर्च, पाच वर्षीय इंटिग्रेटेड प्रोग्राम्स विथ मल्टीपल एन्ट्री अँड मल्टीपल एक्जिट या अभ्यासक्रमांच्या पदवीच्या प्रथम वर्षासाठी ही प्रवेश प्रक्रिया राबवली जाणार आहे. तसेच विद्यापीठातील विविध शैक्षणिक विभाग आणि संलग्नित महाविद्यालयामार्फत राबविण्यात येत असलेल्या विविध पदव्युत्तर शैक्षणिक अभ्यासक्रमांच्या प्रथम वर्षाला प्रवेश घेऊ इच्छिणाऱ्या विद्यार्थ्यांसाठीही प्रवेशपूर्व नावनोंदणी सुरु करण्यात आली आहे. तसेच दूरस्थ व ऑनलाईन शिक्षण केंद्राचीही प्रवेश प्रक्रिया लवकरच सुरु केली जाणार आहे.
पदवी अभ्यासक्रमाच्या पहिल्या वर्षाला प्रवेश घेऊ इच्छिणाऱ्या विद्यार्थ्यांनी मुंबई विद्यापीठाकडे प्रवेशपूर्व ऑनलाईन नोंदणी करणे अनिवार्य आहे. शैक्षणिक वर्ष २०२५-२६ साठी मुंबई विद्यापीठाने प्रथमवर्ष बी.ए, बी.एस्सी, बी.कॉम, बीए.एमएमसी, बी.एसडब्ल्यू, बीए (फिल्म टेलेव्हिजन अँड न्यू मीडिया प्रोडक्शन), बीए (फ्रेंच स्टडीज), बीए (जर्मन स्टडी), बॅचलर ऑफ कलिनरी आर्ट, बीए-एमए ( इंटिग्रेटेड कोर्स इन जर्मन स्टडीज), बीए-एमए ( इंटिग्रेटेड कोर्स इन पाली) बीएमएस-एमबीए (पाच वर्षीय एकात्मिक अभ्यासक्रम), बीकॉम (फायनान्शिअल मार्केट), बीकॉम ( अकॉउन्टींग अँड फायनान्स), बीकॉम ( बँकिंग अँड इन्शुअरन्स), बीकॉम ( फायनान्शिअल मॅनेजमेंट), बीकॉम ( इन्व्हेस्टमेंट मॅनेजमेंट), बीकॉम ( ट्रान्सपोर्ट मॅनेजमेंट), बीकॉम ( मॅनेजमेंट स्टडीज), बीएस्सी ( इन्फॉर्मेशन टेक्नॉलॉजी), बीएस्सी (कम्प्युटर सायन्स), बीएस्सी (हॉस्पिटॅलिटी स्टडी), बीएस्सी (मायक्रोबायोलॉजी), बीएस्सी ( बायो-केमेस्ट्री), बीएस्सी (बायो-टेक्नॉलॉजी), बीएस्सी ( मेरिटाईम), बीएस्सी (नॉटिकल सायन्स), बीएस्सी (फॉरेन्सिक सायन्स), बीएस्सी (होम सायन्स), बीएस्सी ( एरोनॉटिक्स), बीएस्सी ( डेटा सायन्स), बीएस्सी (एव्हीएशन), बीएस्सी (ह्युमन सायन्स) यासह अशा अनुदानित आणि विनाअनुदानित अभ्यासक्रमांसाठी प्रवेशपूर्व ऑनलाईन नोंदणी अनिवार्य आहे.
याचप्रमाणे विविध पदव्युत्तर १३३ अभ्यासक्रमांच्या प्रवेशासाठीच्या प्रथम वर्षाच्या प्रवेशासाठी ऑनलाईन नाव नोंदणी अनिवार्य आहे. पदवी आणि पदव्युत्तर विविध अभ्यासक्रमांच्या प्रथम वर्षाच्या प्रवेशासाठीची ही ऑनलाईन प्रवेशपूर्व नोंदणीची प्रक्रिया अत्यंत सोपी आहे. १२ वीचा निकाल लागल्यानंतर विद्यापीठामार्फत पदवीच्या प्रथम वर्षासाठी स्वतंत्ररित्या प्रवेश प्रक्रियेचे वेळापत्रक निर्गमित केले जाणार असून त्यानंतरच महाविद्यालये आणि विद्यापीठातील शैक्षणिक विभागात प्रवेश प्रक्रिया राबवली जाईल अशी माहिती परीक्षा व मूल्यमापन मंडळाच्या संचालिका डॉ. पूजा रौंदळे यांनी सांगितले.
याचप्रमाणे विविध पदव्युत्तर १३३ अभ्यासक्रमांच्या प्रवेशासाठीच्या प्रथम वर्षाच्या प्रवेशासाठी ऑनलाईन नाव नोंदणी अनिवार्य आहे. पदवी आणि पदव्युत्तर विविध अभ्यासक्रमांच्या प्रथम वर्षाच्या प्रवेशासाठीची ही ऑनलाईन प्रवेशपूर्व नोंदणीची प्रक्रिया अत्यंत सोपी आहे. १२ वीचा निकाल लागल्यानंतर विद्यापीठामार्फत पदवीच्या प्रथम वर्षासाठी स्वतंत्ररित्या प्रवेश प्रक्रियेचे वेळापत्रक निर्गमित केले जाणार असून त्यानंतरच महाविद्यालये आणि विद्यापीठातील शैक्षणिक विभागात प्रवेश प्रक्रिया राबवली जाईल अशी माहिती परीक्षा व मूल्यमापन मंडळाच्या संचालिका डॉ. पूजा रौंदळे यांनी सांगितले.
