इंडियन ऑइलमध्ये पदवी-पदविकाधारकांसाठी, बारावी उत्तीर्णांसाठी भरती!
इच्छुक उमेदवार इंडियन ऑइल पाइपलाइन्स पोर्टलला plapps.indianoilpipelines.in भेट देऊन अर्ज करू शकतात. या भरतीसाठी नियुक्तीच्या तारखेपासून प्रशिक्षणार्थी कालावधी १२ महिने आहे.
eduvarta@gmail.com 
एज्युवार्ता न्यूज नेटवर्क
इंडियन ऑइल कॉर्पोरेशन लिमिटेड (Indian Oil Corporation Limited) IOCL ने अप्रेंटिस पदांसाठी अर्ज मागवले आहेत. (Applications are invited for the positions of apprentices) पात्र उमेदवार इंडियन ऑइल कॉर्पोरेशनच्या अधिकृत वेबसाइट iocl.com ला भेट देऊ शकतात. या भरतीसाठी तुम्ही ऑनलाइन अर्ज करू शकता. या भरती मोहिमेअंतर्गत, संस्थेत ४५७ पदे भरली जाणार आहेत. अर्ज करण्याची अंतिम तारीख 3 मार्च आहे.
इच्छुक उमेदवार इंडियन ऑइल पाइपलाइन्स पोर्टल plapps.indianoilpipelines.in ला भेट देऊन अर्ज करू शकतात. या भरतीसाठी नियुक्तीच्या तारखेपासून प्रशिक्षणार्थी कालावधी १२ महिने आहे.
तांत्रिक अप्रेंटिससाठी, उमेदवाराकडे संबंधित क्षेत्रात तीन वर्षांचा डिप्लोमा असणे आवश्यक आहे. ट्रेड अप्रेंटिससाठी, उमेदवारांकडे संबंधित विषयात पदवी असणे आवश्यक आहे. डेटा एंट्री ऑपरेटर पदासाठी उमेदवार बारावी उत्तीर्ण असणे आवश्यक आहे. तसेच उमेदवाराची वयोमर्यादा २८ फेब्रुवारी २०२५ रोजी १८ ते २४ वर्षांच्या दरम्यान असावी.
आवश्यक पात्रता परीक्षेत मिळालेल्या गुणांच्या टक्केवारीच्या आधारे गुणवत्तेत समान रँक मिळाल्यास, जन्मतारीख (वयाने मोठी) असलेल्या उमेदवाराचा विचार केला जाईल. जर जन्मतारीख एकच असेल तर मॅट्रिक्युलेशनमध्ये जास्त गुण असलेल्या उमेदवारांचा विचार केला जाईल. लेखी परीक्षा किंवा वैयक्तिक मुलाखत घेतली जाणार नाही.
