JEE मेन उत्तर की वरून वाद ; NTA ने दिले स्पष्टीकरण
अनेक उमेदवार आणि कोचिंग तज्ञांनी जेईई मेन उत्तरपत्रिकेतील चुकांबद्दल चिंता व्यक्त केली आहे, तर काही विद्यार्थ्यांनी त्यांच्या रेकॉर्ड केलेल्या उत्तरांमध्ये रिकाम्या जागा असल्याच्या आणि उत्तरे चुकीच्या पद्धतीने चिन्हांकित केलेली असल्याची तक्रार केली आहे. उत्तर की मध्ये भरपूर चुका असल्याचा आरोप काही उमेदवार करत आहेत.
eduvarta@gmail.com 
एज्युवार्ता न्यूज नेटवर्क
JEE मेन ची तात्पुरती उत्तर की (JEE Main provisional answer key) नुकतीच प्रसिद्ध करण्यात आली आहे. यावरून आता NTA पुन्हा वादाच्या भोवर्यात सापडले आहे. जेईई मेन उत्तरपत्रिका आणि तात्पुरत्या उत्तरपत्रिकांमध्ये कथित विसंगती असल्याच्या आरोपावरून (Allegations of alleged discrepancies in provisional answer sheets) एनटीएला बरीच टीका सहन करावी लागत आहे. एनटीएने देखील टीकेला उत्तर देत या प्रकरणावर स्पष्टीकरण दिले आहे. (NTA has also responded to the criticism)
अनेक उमेदवार आणि कोचिंग तज्ञांनी जेईई मेन उत्तरपत्रिकेतील चुकांबद्दल चिंता व्यक्त केली आहे, तर काही विद्यार्थ्यांनी त्यांच्या रेकॉर्ड केलेल्या उत्तरांमध्ये रिकाम्या जागा असल्याच्या आणि उत्तरे चुकीच्या पद्धतीने चिन्हांकित केलेली असल्याची तक्रार केली आहे. उत्तर की मध्ये भरपूर चुका असल्याचा आरोप काही उमेदवार करत आहेत.
यावर NTA ने स्पष्ट केले की सध्या उपलब्ध असलेल्या उत्तर की केवळ तात्पुरत्या आहेत, अंतिम उत्तर की अद्याप प्रकाशित झालेल्या नाहीत. अंतिम गुणांची गणना फक्त जेईई मेनच्या अंतिम उत्तरपत्रिकेच्या आधारे केली जाईल. 'एनटीए पारदर्शक परीक्षा प्रक्रिया पाळते आणि तात्पुरती उत्तरपत्रिका जारी होताच उमेदवारांना त्यांच्या रेकॉर्ड केलेल्या उत्तरांची उपलब्धता प्रदान करताते . एनटीए तात्पुरत्या उत्तर कीच्या प्रत्येक आव्हानाचा गांभीर्याने विचार करते," असे एनटीएने त्यांच्या अधिकृत एक्स अकाउंटवर पोस्ट केले."
अधिकृत पोस्टमध्ये म्हटले आहे की, "तात्पुरत्या उत्तरपत्रिकेच्या आधारे निष्कर्ष काढणे योग्य नाही. एनटीए उमेदवारांना सल्ला देऊ इच्छिते की अनावश्यक शंका आणि चिंता निर्माण करणाऱ्या अफवांमुळे त्यांची दिशाभूल होऊ शकते."
