UGC कडून १ हजार २४७ नवीन अभ्यासक्रमांना मान्यता; जानेवारी २०२४ सत्रापासून सुरु

एज्युवार्ता न्यूज नेटवर्क 

देशातील अनेक उच्च शैक्षणिक संस्थांमध्ये (Higher Education Institutes) १ हजार २४७ नवीन अभ्यासक्रम शिकविण्यास विद्यापीठ अनुदान आयोगाने (UGC) मान्यता दिली आहे. याविषयीचे परिपत्रक UGC ने प्रसिद्ध केले आहे. यापैकी काही अभ्यासक्रम सावित्रीबाई फुले पुणे विद्यापीठातही (SPPU) शिकवले जाणार आहेत. या सर्व सेल्फ-पेस ऑनलाइन सायलेंट कोर्सेसचे प्रवेश जानेवारी २०२४ सेमिस्टरपासून उपलब्ध होतील. तर त्यांची परीक्षा मे २०२४ मध्ये घेतली जाईल, असे UGC  कडून सांगण्यात आले आहे. (University Grant Commission News)

विद्यापीठ अनुदान आयोगाने यासंदर्भात सर्व विद्यापीठे आणि राज्यांना पत्र लिहिले आहे. नुकतीच आयोगाच्या बोर्डाची २३ वी बैठक उच्च शिक्षण सचिवांच्या अध्यक्षतेखाली पार पडली. या बैठकीत जानेवारी २०२४ च्या सत्रासाठी १ हजार २४७ अभ्यासक्रमांना मान्यता देण्यात आली आहे. विद्यापीठ अनुदान आयोगाने सर्व उच्च शैक्षणिक संस्थांना या अभ्यासक्रमांची माहिती विभाग आणि डीन यांच्यामार्फत सार्वजनिक करण्याचे आवाहन केले आहे.

'सावित्रीबाई फुले पुणे विद्यापीठा'च्या नावाचे कॉपीराईट? चर्चेला तोंड फुटले, सरकारच्या भूमिकेकडे लक्ष

या सर्व अभ्यासक्रमांना UGC (अॅक्टिव्ह-लर्निंग फॉर यंग अ‍ॅस्पायरिंग माइंड्ससाठी स्टडी वेब्सद्वारे ऑनलाइन लर्निंग कोर्सेससाठी क्रेडिट फ्रेमवर्क) नियमावली २०२१ अंतर्गत मान्यता देण्यात आली आहे. तर या सर्व अभ्यासक्रमांच्या परीक्षा १८, १९, २५ आणि २६ मे रोजी होणार आहेत. यामध्ये पदवी व पदव्युत्तर नॉन-इंजिनिअरिंगमधील १५४ अभ्यासक्रम, इंजिनीअरिंगमधील ७४३, इंदिरा गांधी राष्ट्रीय मुक्त विद्यापीठमध्ये २२५ पदविका आणि प्रमाणपत्र अभ्यासक्रम, आयआयएममधील व्यवस्थापनमधील ६३, यूजीसीमध्ये चार, ऑल इंडिया कौन्सिल फॉर टेक्निकल एज्युकेशनमधील १८ अभ्यासक्रमांचा समावेश आहे. तर शिक्षण आणि शिक्षक प्रशिक्षणात ४० अभ्यासक्रम आहेत. याशिवाय बौद्ध धर्माचा अभ्यास करणाऱ्या चार अभ्यासक्रमांनाही मान्यता देण्यात आली आहे.

सर्व अभ्यासक्रमांसाठी क्रेडिट निश्चित करण्यात आले आहेत. अभ्यासक्रम पूर्ण झाल्यानंतर हे क्रेडिट पदवी आणि पदविका अभ्यासक्रमाशी जोडले जाईल. विशेष म्हणजे भारत आणि जगभरातील कोणत्याही देशातील कोणताही विद्यार्थी या अभ्यासक्रमांसाठी नोंदणी करून अभ्यास करू शकतो. 

सावित्रीबाई फुले विद्यापीठ, बनारस हिंदू विद्यापीठ, पंजाबी विद्यापीठ पटियाला, हरियाणा सेंट्रल युनिव्हर्सिटी, कुरुक्षेत्र युनिव्हर्सिटी, चौधरी देवी लाल युनिव्हर्सिटी, दयालबल एज्युकेशन इन्स्टिट्यूट, पंजाब युनिव्हर्सिटी चंदीगड, सेंट्रल युनिव्हर्सिटी ऑफ पंजाब (भटिंडा), नॅशनल लॉ युनिव्हर्सिटी, दिल्ली, काश्मीर  विद्यापीठ, गुजरात. विद्यापीठ, हिमाचल विद्यापीठ, जवाहरलाल नेहरू विद्यापीठ, एम्स, गुरु गोविंद सिंग इंद्रप्रस्थ विद्यापीठ दिल्ली, एचएनव्ही गढवाल विद्यापीठ, दून विद्यापीठ, डॉ. हरिसिंग गौर विद्यापीठ, देवी अहिल्या विद्यापीठ आदी विद्यापीठे आई उच्च शिक्षण संस्थांकडून हे नवीन कोर्सेस शिकवले जाणार आहेत.