PSI 2020 Result : पीएसआयचा रखडलेला निकाल अखेर जाहीर; EWS च्या ६५ पदांचा निकाल राखीव
मागील काही महिन्यांपासून विद्यार्थ्यांकडून सातत्याने या परीक्षेचा निकाल जाहीर करण्याची मागणी होत होती. पण निकाल जाहीर होत नसल्याने विद्यार्थ्यांमध्ये प्रचंड नाराजी होती.
eduvarta@gmail.com 
एज्युवार्ता न्यूज नेटवर्क
महाराष्ट्र लोकसेवा आयोगाकडून (MPSC) घेण्यात आलेल्या महाराष्ट्र दुय्यम सेवा अराजपत्रित गट मुख्य परीक्षा-२०२० पोलीस उप निरीक्षक (PSI 2020) पदाची तात्पुरती निवड यादी (Selection List) व गुणवत्ता यादी (Meritlist) जाहीर करण्यात आली आहे. राज्यात सुनील खाचकड (Sunil Khachakad) याने प्रथम क्रमांक, निर्मलकुमार भोसले (Nirmalkumar Bhosle) याने द्वितीय क्रमांक तर गणेश जाधव (Ganesh Jadhav) याने तृतीय क्रमांक पटकावला आहे.
मागील काही महिन्यांपासून विद्यार्थ्यांकडून सातत्याने या परीक्षेचा निकाल जाहीर करण्याची मागणी होत होती. पण निकाल जाहीर होत नसल्याने विद्यार्थ्यांमध्ये प्रचंड नाराजी होती. अखेर आयोगाकडून मंगळवारी पीएसआय २०२० परीक्षेचा निकाल जाहीर करण्यात आला. आयोगाकडून ५८३ जणांची निवड यादी जाहीर केली आहे. तर गुणवत्ता यादीत १ हजार ७८२ जणांचा समावेश आहे.
वैद्यकीय शिक्षण विभागाच्या परीक्षेत घोटाळा? परीक्षा केंद्र ‘मॅनेज’ करून गुण वाढविल्याचे पुरावे
ई.डब्ल्यू.एस. प्रवर्गासाठी राखीव असलेल्या ६५ पदांचा निकाल राखीव ठेऊन तात्पुरती निवड यादी आयोगाच्या संकेतस्थळावर प्रसिध्द करण्यात आली असून त्याआधारे उमेदवारांकडून भरतीप्रक्रियेतून बाहेर पडण्याचा (Opting Out) विकल्प मागविण्यात येत असल्याचे आयोगाने स्पष्ट केले आहे.
आर्थिकदृष्टया दुर्बल घटक (EWS) या प्रवर्गाच्या आरक्षणासंदर्भात उच्च न्यायालय, मुंबई येथे दाखल करण्यात आलेल्या न्यायिक प्रकरणांवरील न्यायालयाचे आदेश विचारात घेऊन आर्थिकदृष्टया दुर्बल घटक (EWS) या प्रवर्गासाठी राखीव पदांचा निकाल स्वतंत्रपणे जाहीर करण्यात येईल, असे आयोगाकडून स्पष्ट करण्यात आले आहे.
MPSC : आयोगाकडून काळ्या यादीत टाकलेल्या ८३ जणांची नावे जाहीर, वाचा सर्व विद्यार्थ्यांची नावे
भरती प्रक्रियेतून बाहेर पडण्याचा पर्याय
परीक्षेच्या भरती प्रक्रियेतून बाहेर पडण्याचा (Opting Out) विकल्प सादर करण्याकरीता आयोगाच्या https://mpsc.gov.in या संकेतस्थळावरील ONLINE FACILITIES या मेनूमध्ये 'Post Preference / Opting Out वेबलिंक उपलब्ध करुन देण्यात येत आहे. ही वेबलिंक दिनांक ५ जुलै रोजी दुपारी १२ वाजेपासून दिनांक १९ जुलै रोजी २३.५९ वाजेपर्यंत सुरु राहील. उमेदवारांकडून सदर विकल्प प्राप्त झाल्यानंतर आवश्यक तपासणीनंतर अंतिम गुणवत्ता यादी व अंतिम निवड यादी आयोगाच्या संकेतस्थळावर प्रसिध्द करण्यात येईल, असे आयोगाकडून जाहीर करण्यात आले आहे.
एका क्लिकवर पाहा तात्पुरती निवड यादी - https://mpsc.gov.in/downloadFile/english/7306
एका क्लिकवर पाहा सर्वसाधारण गुणवत्ता यादी - https://mpsc.gov.in/downloadFile/english/7305
शैक्षणिक बातम्यांचे अपडेट मिळविण्यासाठी व्हॉट्सअप ग्रुपमध्ये सहभागी व्हा.
https://chat.whatsapp.com/Ib9LP2jUnnXAQpcKKJ5nWD
