केंद्र प्रमुख परीक्षा ३ व ४ फेब्रुवारीला; राज्यातील ४९ केंद्रांवर परीक्षा
उमेदवारांनी संबंधित संकेतस्थळाला भेट देऊन प्रवेश पत्र डाऊनलोड करून घ्यावे. परीक्षेसंदर्भात काही अडचणी आल्यास १८०० २२२ ३६६ किंवा १८०० १०३ ४५६६ या हेल्पलाइन क्रमांकावर संपर्क साधावा.
eduvarta@gmail.com 
एज्युवार्ता न्यूज नेटवर्क
विविध कारणांमुळे रखडलेल्या केंद्रप्रमुख परीक्षेला अखेर मुहूर्त मिळाला आहे. येत्या ३ व ४ फेब्रुवारी रोजी राज्यातीलअ ४९ परीक्षा केंद्रांवर केंद्र प्रमुख परीक्षा घेतली जाणार आहे. ही परीक्षा ऑनलाइन पद्धतीने घेतली जाणार आहे. परीक्षेसाठीचे www.mscepune.in या संकेतस्थळावर हॉल तिकीट उपलब्ध करून देण्यात आले आहेत.
महाराष्ट्र शासनाच्या शासन निर्णय 25 /9/ 2022 व 29/ 8 /2025 नुसार राज्यातील सर्व जिल्हा परिषदांमधील कार्यरत प्राथमिक शिक्षकांना केंद्रप्रमुख पदावर विभागीय मर्यादित स्पर्धा परीक्षेद्वारे नियुक्त करण्यासाठी समूह साधन केंद्र समन्वयक मर्यादित विभागीय स्पर्धा परीक्षा अर्थात केंद्रप्रमुख परीक्षा घेतली जाते. ही परीक्षा राज्यातील 49 परीक्षा केंद्रांवर ३ व ४ फेब्रुवारी रोजी आयोजित करण्यात आली आहे.
परीक्षेचे हॉल तिकीट 29 जानेवारीपासून उपलब्ध करून देण्यात आले आहेत. उमेदवारांनी संबंधित संकेतस्थळाला भेट देऊन प्रवेश पत्र डाऊनलोड करून घ्यावे. परीक्षेसंदर्भात काही अडचणी आल्यास १८०० २२२ ३६६ किंवा १८०० १०३ ४५६६ या हेल्पलाइन क्रमांकावर संपर्क साधावा. सर्व परीक्षार्थी उमेदवारांना परीक्षा सुरू होण्यापूर्वी एक तास अगोदर परीक्षा केंद्रांवर उपस्थित राहण्याबाबत कळविण्यात आले आहे.
