गुरुजी तुम्ही पण ! शिक्षकांची विद्यार्थ्यांसमोरच फ्री स्टाइल हाणामारी, शिक्षिका जखमी 

एज्युवार्ता न्यूज नेटवर्क 

विद्यार्थीदशेत मुल-मुली आपला जास्तवेळ शाळेत घालवतात. शाळेकडून मिळणारे संस्कार आयुष्यभर शिदोरी म्हणून सोबत राहतात. शाळेत बाल मनावर झालेले संस्कार उद्याचा यशस्वी समाज बनतो. शिक्षक हे विद्यार्थ्यांना हाणामारी करू नका, भांडण करू नका, दंगामस्ती करू नका, धिंगाना करू नका,  असे सांगत असतात. मात्र, जेव्हा शिक्षकच विद्यार्थ्यांसमोर हाणामारी करतात तेव्हा त्यांना कोणी सांगवे की, आता हे पाहणारे विद्यार्थी उद्या तुमचेच अनुकरण करतील. आणि तुम्ही विद्यार्थ्यांना कोणत्या तोंडाने सांगाल भांडण करू नका. त्याचे कारण ठरले आहे अंबरनाथ (Ambarnath School) येथे महिला आणि पुरुष शिक्षकांमध्ये शाळेच्या बाहेर विद्यार्थ्यांसमोरच फ्री स्टाईल हाणामारी (Teachers' freestyle brawl) झाल्याचा व्हिडिओ सध्या सोशल मिडियावर व्हायरल झाला आहे. या हाणामारीत महिला शिक्षिका जखमी झाली आहे. 

अंबरनाथ : शिक्षकांची विद्यार्थ्यांसमोरच फ्री स्टाइल हाणामारी, शरीरसुखाची मागली केल्याचा आरोप !
.
.
.#ambernath #mumbai #teachersfight #teacherts #schooldays #students #freestyle #teaching #guru #viralvideo #viral #dadabhuse #eduvarta #fighting pic.twitter.com/t31hOKAA6a

— Edu Varta (@EduvartaNews) February 3, 2025

ही संपूर्ण घटना सीसीटीव्ही कॅमेऱ्यात कैद झाली आहे. एका पुरुष शिक्षकाने शरीरसुखाची मागणी केल्याचा आरोप या महिला शिक्षिकेने केला आहे. या प्रकरणी अंबरनाथ पश्चिम पोलीस ठाण्यात गुन्हा दाखल करण्यात आला आहे. अंबरनाथ पश्चिम येथील जावसई फुलेनगर भागात प्रियदर्शनी हिंदी शाळा आहे. या शाळेत अनिता गुप्ता या २९ वर्षांपासून शिक्षिका म्हणून कार्यरत आहेत. २९ जानेवारीला अनिता यांनी त्यांच्या वर्गातील मुलांना पीटीच्या तासासाठी बाहेर खेळण्यासाठी सोडले असताना, शिक्षक एकादशी राम यांनी या मुलांचा व्हिडिओ काढला, असा आरोप अनिता यांनी केला आहे.

शाळा सुटल्यानंतर अनिता या शाळेबाहेर पालकांशी बोलत असताना एकादशी राम तिथे आले आणि त्यांनी अनिता यांच्याकडे शरीरसुखाची मागणी केली. यावरून अनिता यांनी एकादशी राम यांच्या कानशिलात लगावली. यानंतर दोन्ही शिक्षकांमध्ये शाळेबाहेरच विद्यार्थ्यांसमोर हाणामारी झाली. याआधी मुख्याध्यापकांनी अनिता यांच्या चारित्र्यावर संशय व्यक्त केला होता. तसेच शाळा सोडण्यासाठी मोठ्या प्रमाणात दबाव टाकला जात असल्याचा आरोपही अनिता गुप्ता यांनी केला आहे.