पुण्यातील कॉकरोज जनता पार्टीच्या आंदोलनाला सोनम वांगचुक हजर राहणार; SPPU विद्यापीठात उद्या आंदोलन
कॉकरोज जनता पार्टीचे संस्थापक अभिजीत दिपके यांनी आपल्या सोशल मीडिया हँडलवर सोनम वांगचुक उद्या सावित्रीबाई फुले पुणे विद्यापीठातील आंदोलनात सहभागी होणार असल्याची माहिती प्रसिद्ध केली आहे.
eduvarta@gmail.com 
एज्युवार्ता न्यूज नेटवर्क
नीट पेपर फुटीच्या पार्श्वभूमीवर कॉकरोज जनता पार्टीने केंद्रीय शिक्षण मंत्री धर्मेंद्र प्रधान यांच्या राजीनाम्यासाठी आंदोलनाचा इशारा दिला असून दिल्लीतील जंतर-मंतर नंतर आता पुण्यात सावित्रीबाई फुले पुणे विद्यापीठात 11 जून रोजी आंदोलन केले जाणार आहे. या आंदोलनात सामाजिक कार्यकर्ते सोनम वांगचुक उपस्थित राहणार आहेत. त्यामुळे आंदोलनात मोठ्या संख्येने विद्यार्थी व नागरिक हजर राहतील,अशी शक्यता व्यक्त केली जात आहे.
कॉकरोज जनता पार्टीचे संस्थापक अभिजीत दिपके यांनी आपल्या सोशल मीडिया हँडलवर सोनम वांगचुक उद्या सावित्रीबाई फुले पुणे विद्यापीठातील आंदोलनात सहभागी होणार असल्याची माहिती प्रसिद्ध केली आहे.
सावित्रीबाई फुले पुणे विद्यापीठासह पोलीस प्रशासनाकडून आंदोलनास परवानगी दिली असल्याचे बोलले जात आहे. एकूण परिस्थिती विचारात घेता या आंदोलनासाठी मोठा पोलीस बंदोबस्त तैनात केला जाण्याची शक्यता आहे.
गेल्या काही महिन्यांपासून सावित्रीबाई फुले पुणे विद्यापीठ हे विविध कारणांसाठी विद्यार्थ्यांचे आंदोलनाचे केंद्र बनत चालले आहे. त्यात आता नीट पेपर फुटी प्रकरणी धर्मेंद्र प्रधान यांच्या राजीनाम्यासाठी आंदोलन केले जाणार असल्याने अनेक विद्यार्थी तसेच नीट पेपर फुटी मुळे अडचणींचा सामना करावा लागणारे विद्यार्थी या आंदोलनात सहभागी होणार असल्याचे दिसून येत आहे.
