"माझ्या बेडवर झोप..."; प्रसिद्ध शाळेच्या प्रिन्सिपलचे 15 वर्षांच्या विद्यार्थ्यासोबत संतापजनक कृत्य

एज्युवार्ता न्यूज नेटवर्क 

देहरादूनमधील एका प्रतिष्ठित खासगी शाळेच्या मुख्याध्यापकाने १५ वर्षांच्या विद्यार्थ्यावर लैंगिक अत्याचार (Headmaster sexually assaults 15-year-old student) केल्याचा गंभीर प्रकार समोर आला आहे. ‘कॅम्ब्रिज स्कूल’च्या मुख्याध्यापकावर विद्यार्थ्याला आपल्या बेडवर झोपवून (Obscene act against a student) मध्यरात्री अश्लील कृत्य केल्याचा आरोप आहे. या घटनेमुळे विद्यार्थी मोठ्या मानसिक धक्क्यात (Students in deep mental shock)आहे आणि तो कोणाशी बोलण्याच्या मनःस्थितीत नसल्याचे पालकांकडून सांगण्यात आले आहे.

.पालकांच्या तक्रारीवरून प्रेमनगर पोलिसांनी तत्काळ कारवाई करत मुख्याध्यापकाला अटक केली आहे. पालकांनी दिलेल्या तक्रारीनुसार, त्यांचा मुलगा गेल्या काही दिवसांपासून अस्वस्थ आणि एकटा राहत होता. जेव्हा त्यांनी मुलाला विचारणा केली, तेव्हा खळबळजनक माहिती समोर आली. मुख्याध्यापकाने पालकांना विश्वासात घेऊन मुलाला आपल्याकडे ठेवण्याची परवानगी घेतली होती.

रात्री जेवणानंतर मुलगा आपल्या खोलीत जाण्याच्या तयारीत असताना मुख्याध्यापकाने त्याला थांबवले आणि स्वतःसोबत बेडवर झोपवले. त्यानंतर त्याने मुलावर अत्याचार केला. या घटनेनंतर मुलगा इतका घाबरला की त्याने प्रथम कोणालाही काही सांगितले नाही. पोलिसांनी या प्रकरणात गांभीर्याने लक्ष घातले आहे. पॉक्सो कायद्याच्या कलम ५(एफ), ६, ७ आणि ८ अंतर्गत गुन्हा दाखल करण्यात आला आहे. उत्तराखंड पोलिसांच्या एसएसपी यांच्या निर्देशानुसार आरोपी मुख्याध्यापकाला ताबडतोब अटक करण्यात आली.

न्यायालयात हजर केल्यानंतर त्यांची न्यायालयीन कोठडीत रवानगी झाली आहे. पोलिसांनी सखोल तपास सुरू केला असून, शाळेच्या इतर विद्यार्थ्यांच्या सुरक्षिततेचीही चौकशी केली जात आहे. या प्रकारामुळे शाळेच्या प्रशासनावर आणि खासगी शाळांमधील विद्यार्थ्यांच्या सुरक्षिततेबाबत प्रश्नचिन्ह निर्माण झाले आहे. पालकांनी आपल्या मुलांना शाळेत पाठवताना आता अधिक सतर्क राहावे, असे आवाहन केले जात आहे.

महिला आणि बालअपराध प्रकरणात पोलिसांकडून कोणतीही निष्काळजीपणा सहन केला जाणार नसल्याचे अधिकाऱ्यांनी स्पष्ट केले आहे. पोलिस अधिकाऱ्यांनी सांगितले की, या प्रकरणात पुरावे गोळा करण्याचे काम वेगाने सुरू आहे. दोषींवर कठोर कारवाई करण्यात येईल. शाळेच्या व्यवस्थापनानेही या प्रकरणात सहकार्य करावे, असे निर्देश दिले आहेत. देहरादूनसह संपूर्ण उत्तराखंडमध्ये या घटनेने खळबळ माजली असून, विद्यार्थ्यांच्या सुरक्षेसाठी कडक नियमांची मागणी होत आहे.