SPPU: विद्यापीठाच्या व्यवस्थापन परिषदेवर डॉ.विजय खरे यांची नियुक्ती
डॉ. विजय खरे यांना महाराष्ट्र सार्वजनिक विद्यापीठ अधिनियम २०१६ कलम ३०(४) नुसार विद्यापीठाच्या व्यवस्थापन परिषदेवर नामनिर्देशन केले आहे. आपल्या ज्ञानाचा आणि अनुभवाचा व्यवस्थापन परिषदेच्या कामकाजात लाभ होईल, अशी आशा आहे, असे खरे यांना दिलेल्या पत्रात नमूद करण्यात आले आहे.
Eduvarta
एज्युवार्ता न्यूज नेटवर्क
सावित्रीबाई फुले पुणे विद्यापीठाच्या व्यवस्थापन परिषदेवर सदस्य म्हणून विद्यापीठातील संरक्षण व सामाजिक शास्त्र विभागाचे प्रमुख डॉ.विजय खरे यांची नियुक्ती करण्यात आली आहे. विद्यापीठाचे प्रभारी कुलसचिव प्रफुल्ल पवार यांनी खरे यांना याबाबतचे नियुक्तीपत्र दिले आहे. खरे यांच्या नियुक्ती बद्दल अधिसभा सदस्य प्रसेनजीत फडणवीस व प्रफुल्ल पवार यांनी अभिनंदन केले आहे.
डॉ. विजय खरे यांना महाराष्ट्र सार्वजनिक विद्यापीठ अधिनियम २०१६ कलम ३०(४) नुसार विद्यापीठाच्या व्यवस्थापन परिषदेवर नामनिर्देशन केले आहे. आपल्या ज्ञानाचा आणि अनुभवाचा व्यवस्थापन परिषदेच्या कामकाजात लाभ होईल, अशी आशा आहे, असे खरे यांना दिलेल्या पत्रात नमूद करण्यात आले आहे.
विद्यापीठ कायद्यातील तरतुदीनुसार सदस्यत्वाची मुदत 31 ऑगस्ट 2027 पर्यंत अथवा महाराष्ट्र सार्वजनिक विद्यापीठ अधिनियम कलम 36 आणि 64 मधील तरतुदीच्या अधीन राहून तसेच शासनाकडून वेळोवेळी प्राप्त होणाऱ्या आदेशाच्या अधिन राहून जे अगोदर घडेल, त्या तारखेस संपुष्टात येणार आहे.
विद्यापीठाचे प्रभारी कुलसचिव डॉ. प्रफुल्ल पवार म्हणाले, विद्यापीठातील विविध विभागांमधून एका व्यक्तीची विद्यापीठाच्या व्यवस्थापन परिषदेवर नियुक्ती केली जाते. त्यानुसार विजय खरे यांची व्यवस्थापन परिषदेवर नियुक्ती केली असून त्यांना याबाबतचे पत्र देण्यात आले आहे.
