घोटाळेबाज कुलगुरू हटवा; उच्च शिक्षण संचालकांचे शासनाला पत्र 

एज्युवार्ता न्यूज नेटवर्क 

पुण्यातील डेक्कन कॉलेज अभिमत विद्यापीठाच्या घोटाळेबाज प्र-कुलगुरूला हटवून शासनामार्फत विद्यापीठावर प्रशासक नियुक्त करावा. तसेच विद्यापीठाच्या कुलगुरू पदाची सूत्रे सेवाज्येष्ठतेनुसार विद्यापीठातील वरिष्ठ प्राध्यापकाकडे देण्यात यावी, अशी मागणी राज्याच्या उच्च शिक्षण संचालक कार्यालयाकडे करण्यात आली. त्यावर पुणे विभागीय सहसंचालक कार्यालयातर्फे विद्यापीठासंदर्भात प्राप्त झालेल्या निवेदनानुसार चौकशी करण्यात आली. त्यानंतर स्वतः उच्च शिक्षण संचालक डॉ शैलेन्द्र देवळाणकर यांनी अपर मुख्य सचिव यांना डेक्कन अभिमत विद्यापीठाच्या घोटाळेबाज प्र-कुलगुरूला हटवून प्रशासक नियुक्त करावा, असे पत्र पाठवले आहे. त्यामुळे शिक्षण क्षेत्रात एकच खळबळ उडाली आहे.

डेक्कन कॉलेज अभिमत विद्यापीठाचे प्रभारी कुलगुरू डॉ प्रसाद जोशी यांच्यावर अनेक आरोप झाले असून पोलिसांमार्फत चौकशी सुरू आहे.महाराष्ट्र शासन यांच्या शासन निर्णयानुसार डेक्कन कॉलेज पोस्ट ग्रॅज्युएट अँड रीसर्च इनस्टिट्यूट मध्ये कुलगुरु / प्र-कुलगुरू पद अस्तित्वात /आकृतिबांधत नाही. अभिमत दर्जा विद्यापीठात  संस्कृत विभाग सुरू करण्यात आला होता तेव्हा महाराष्ट्र शासन निर्णयानुसार संस्कृत विभागस कोणतेही अनुदान मिळणार नाही, असे स्पष्ट केले होते आणि प्रसाद जोशी हे संस्कृत विभागाचे आहेत.

विद्यापीठ अनुदान आयोग यांचे नियम राज्य एकतर पूर्ण मंजूर करते किंवा करत नाही.मात्र त्यात चुज अँड सिलेक्ट ऑप्शन नाही, असे असताना सन २०१९ चे विद्यापीठ अनुदान आयोग यांचे नियम विद्यापीठ शासन मंजूरी शिवाय मंजूर करते, ही बाब गंभीर आहे.त्याहून गंभीर हे देखील आहे की सन २०२० च्या शासन निर्णयात सदर अभिमत दर्जा विद्यापीठास आकृति बंधात कुलगुरू पदच नाही. डेक्कन कॉलेज पोस्ट ग्रॅज्युएट अँड रीसर्च इनस्टिट्यूट यांना वित्तीय अनुदान हे शासन देते.त्यामुळे विद्यापीठ अनुदान आयोगाच्या रूल्स मधील क्लॉज २३ (ब) (६) नुसार जेव्हा अभिमत दर्जा विद्यापीठस शासन अनुदान देत असेल तर कुलगुरू निवडीचा अधिकार शसनाचा आहे.त्यामुळे संस्थेचे प्रेसिडेंट यांनी डॉ. प्रसाद जोशी यांची प्र-कुलगुरू व सध्या प्रभारी कुलगुरू पदावर केलेली निवड बेकायदा व सिनीयरीटीचे उल्लंघन करणारी ठरते. तसेच ते सहा महिन्यापेक्षा जास्त कालावधी बेकायदा या पदावर कार्यरत आहे.

डॉ.प्रसाद जोशी यांच्या विरोधात खटले प्रलंबित

 डॉ. प्रसाद जोशी यांच्या विरोधात कोर्टात अनेक खटले प्रलंबित आहेत.उदा गोरेवडा मध्ये करोडो रुपयांचा घोळ झाला.याबाबत येरवडा पोलिसानी मा. न्यायालयात रीपोर्ट दाखल केला आहे, तसेच डॉ. जोशी हे TDR विक्री घोटाळ्यात आहेत.ज्यात कोर्टाने पोलिस चौकशी लावली आहे, त्यामुळे सदर घोटाळेबाज व्यक्तिकडे वांम मार्गाने कमवलेली संपत्ती आहे.ज्यात तो अश्या अनेक संचालक, सहसंचालक खरेदी करू शकतो. मात्र आपण कायद्याच्या राज्यात राहतो हे विसरून चालणार नाही, असे पत्र अभिजित खेडकर यांनी उच्च शिक्षण संचालक डॉ. शैलेंद्र देवळाणकर यांना दिले होते.

जोशी यांना या पदावर ठेवता येणार नाही

अभिजित खेडकर यांनी केलेल्या तक्रारीनुसार उच्च शिक्षण विभागातर्फे पुणे विभागीय सहसंचालक डॉ. अशोक उबाळे यांच्या मार्फत चौकशी करण्यात आली. त्यात प्रसाद जोशी हे सेवाज्येष्ठ असल्याचे दिसून येत नाही. डॉ. सोनल कुलकर्णी या सेवाज्येष्ठ आहेत. त्यामुळे जोशी यांना या पदावर ठेवता येणार नाही, अशी तक्रात करण्यात आली होती.

कुलपती डॉ. देबरॉय यांचे निधन

डेक्कन कॉलेज पदव्युत्तर व संशोधन संस्था, (अभिमत विद्यापीठ), पुणे या अभिमत विद्यापीठात मा. कुलपती या पदावर डॉ. बिबेक देबरॉय हे कार्यरत होते. तसेच कुलगुरु पदावर प्रा. प्रमोद पांडे हे कार्यरत होते. प्रा. पांडे, हे कुलगुरु पदावरुन दि.10-10-2024 रोजी सेवानिवृत्त झाल्यानंतर मा. कुलपती डॉ. देबरॉय यांनी प्रा. प्रसाद जोशी यांची प्रभारी कुलगुरु म्हणून नियुक्ती केली. परंतु, कुलपती डॉ. देबरॉय यांचे दि. 01-11-2024 रोजी निधन झाल्यामुळे विद्यापीठातील कुलपती हे पद सद्यस्थितीत रिक्त आहे. कुलपतींची नियुक्ती करण्यासाठी UGC 23.B (3) UGC (Deemed to be Universities) Regulation, 2023 नुसार तयार केलेल्या Memorandum of Association (MoA) सुधारित नियमावली प्रस्ताव मा. संचालनालयाकडील दि.1.10.2025 च्या पत्रान्वये शासनास मान्यतेसाठी सादर केलेला आहे. या शासन मान्यतेनंतर विद्यापीठात मा. कुलपतींची नियुक्तीची प्रक्रिया करुन त्यानंतर कुलगुरू व मा. प्र-कुलगुरु यांची नियुक्तीची पुढील प्रक्रिया करण्यात येते, असे संबंधित विद्यापीठाने सादर केलेल्या अहवालामध्ये नमुद केले आहे.

कुलगुरू पदावरील नियुक्ती ही शासनाकडून होणे आवश्यक

तक्रारदार यांच्या तक्रारीमध्ये नमुद केल्यानुसार विद्यापीठ अनुदान आयोगाच्या 2019 व सुधारणा 2022 नुसार कुलगुरू पदावरील नियुक्ती ही शासनाकडून होणे आवश्यक आहे. मात्र,कार्यवाही शासनाकडून न झाल्याने व नियुक्त केलेले प्रभारी कुलगुरू हे सदर शैक्षणिक संस्थेतील Senior most Professor नसल्याने प्रा. जोशी, प्र-कुलगुरु यांना प्रभारी कुलगुरु पदावर राहता येणार नसल्याने तात्काळ कार्यवाही होणेची मागणी तक्रारदार यांनी केली आहे.

यावर कार्यालयाने दि. 12-01-2026 संबंधित विद्यापीठातील प्राध्यापकांची सेवाजेष्ठतेची माहिती मागविण्यात आलेली असून, त्यामध्ये संबंधित विद्यापीठाच्या दि. 21-01-2026 च्या प्रस्तावात विद्यापीठातील प्राध्यापकांची सेवाजेष्ठतेमध्ये डॉ. सोनल कुलकर्णी जोशी यांचे नाव अनुक्रमांक 01 मध्ये असुन, डॉ. प्रसाद प्रकाश जोशी यांचे नाव अनुक्रमांक 04 वर नमूद केलेली आहे, असे उबाळे यांच्या अहवालात नमूद करण्यात आले आहे.