पिंपरी-चिंचवड महापालिकेची बनावट भरतीचे पोस्ट, प्रशासनाकडून तरुणांना सतर्कतेचा इशारा
महापालिकेत एक मोठी मध्ये भरती मोहीम राबवण्यात आली होती. जिथे हजारो जागा भरल्या जाणार होत्या. त्यामुळे पालिकेत जेव्हा भरती होते तेव्हा अधिकृत संकेत स्थळावर त्याची माहिती दिली जाते, असे महापालिका प्रशासनाने स्पष्ट केले आहे.
eduvarta@gmail.com 
एज्युवार्ता न्यूज नेटवर्क
सध्या पिंपरी-चिंचवड महापालिकेच्या (Pimpri-Chinchwad Municipal Corporation) नावाने सोशल मीडियावर विविध पदांसाठी नोकरीची जाहिरात आणि नियुक्तीपत्रे फिक्स अशा प्रकारची पोस्ट काही समाज कंठकांकडून सोशल मिडियावर व्हायरल (Fake viral on social media Post) केली आहे. त्याला सामान्य तरूणांनी बळी पडू नये म्हणून महापालिका (PCMC Administration) प्रशासनाने विद्यार्थ्यांना बनावट नोकरी जाहिरातींबाबत (Fake job advertisement) सतर्क राहण्याचा इशारा दिला आहे. सध्या कोणतीही नवीन भरती प्रक्रिया सध्या सुरू नाही तसेच स्वतःच्या अधिकृत संकेतस्थळ याव्यतिरिक्त कुठेही भरतीबाबतची माहिती प्रसिद्ध केलेली नाही, असे महापालिका प्रशासनाने स्पष्ट केले आहे.
या पूर्वी पिंपरी-चिंचवड महापालिकेमध्ये 2024 मध्ये काही पदांसाठी भरती झाली होती. जिथे विविध विभागांसाठी उमेदवारांना अर्ज करायला सांगण्यात आले होते. त्या वेळी शिक्षक व समूह संघटक पदांसाठी अर्जांची जाहिरात प्रसिद्ध केली होती. त्याआधीही 2023 मध्ये महापालिकेत एक मोठी मध्ये भरती मोहीम राबवण्यात आली होती. जिथे हजारो जागा भरल्या जाणार होत्या. त्यामुळे पालिकेत जेव्हा भरती होते तेव्हा अधिकृत संकेत स्थळावर त्याची माहिती दिली जाते, असे महापालिका प्रशासनाने स्पष्ट केले आहे.
महापालिका प्रशासनाने नोकरीसाठी इच्छुक असलेल्या उमेदवारांना सांगितले आहे की, बनावट जाहिराती आणि फसवणूक टाळण्यासाठी सर्व माहिती फक्त अधिकृत संकेतस्थळावरून तपासावी आणि खासगी मेसेज किंवा वेबसाइटवर विश्वास ठेवू नये. कोणाला काही संशयीत आढळल्यास याबाबत पोलिसांकडे तक्रार करण्याचे आवाहन महापालिका प्रशासनाने केले आहे. तसेच सोशल मिडियावर बनावट पोस्ट व्हायरल करणाऱ्या व्यक्तीची देखील तक्रार करण्यात आली असून पोलिस त्याचा तपास घेत आहेत.
