SPPU विद्यापीठाच्या घसरलेल्या NIRF रँकिंगवर चिंतन; उपाय योजनांवर चर्चा
सावित्रीबाई फुले पुणे विद्यापीठाचे सर्व स्तरांमध्ये प्रगती होण्यासंदर्भात चर्चा करण्यासाठी तसेच यावर उपाययोजना सुचवण्यासाठी ज्येष्ठ शिक्षण तज्ज्ञ तसेच विद्यापीठातील विविध अधिकार मंडळावर काम करणारे आजी-माजी आधिसभा सदस्य ,विद्या परिषद सदस्य, त्याचप्रमाणे व्यवस्थापन परिषदेच्या सदस्यांना या बैठकीसाठी बोलविण्यात आले आहे.
eduvarta@gmail.com 
एज्युवार्ता न्यूज नेटवर्क
नॅशनल इन्स्टिट्यूशनल रँकिंग फ्रेमवर्क अर्थात एनआयआरएफ (National Institutional Ranking Framework-NIRF)रँकिंग मध्ये सावित्रीबाई फुले पुणे विद्यापीठाची (Savitribai Phule Pune University)मोठी घसरण झाली. त्यावर विविध क्षेत्रातून टीका करण्यात आली. परंतु, याबाबत चिंतन करण्यासाठी पुण्यातील प्रोग्रेसिव्ह एज्युकेशन सोसायटीच्या (Progressive Education Society) शिवाजीनगर येथील लता मंगेशकर सभागृहात येत्या 24 सप्टेंबर रोजी दुपारी ४ वाजता शिक्षण क्षेत्रातील अभ्यासू व्यक्तींची बैठक आयोजित करण्यात आली आहे. प्रोग्रेसिव्ह एज्युकेशन सोसायटीचे कार्याध्यक्ष डॉ.गजानन एकबोटे(Working President Dr. Gajanan Ekbote)यांच्या अध्यक्षतेखाली ही बैठक पार पाडणार आहे.
एनआयआरएफ रँकिंग मध्ये सावित्रीबाई फुले पुणे विद्यापीठ ९१ क्रमांकापर्यंत खाली घसरले. या उलट सर्व खाजगी विद्यापीठे रँकिंग मध्ये वर आली. विद्यापीठाची रँकिंग मध्ये झालेली मोठी घसरण ही चिंतेची बाब आहे. त्यामुळे सावित्रीबाई फुले पुणे विद्यापीठाचे सर्व स्तरांमध्ये प्रगती होण्यासंदर्भात चर्चा करण्यासाठी तसेच यावर उपाययोजना सुचवण्यासाठी ज्येष्ठ शिक्षण तज्ज्ञ तसेच विद्यापीठातील विविध अधिकार मंडळावर काम करणारे आजी-माजी आधिसभा सदस्य ,विद्या परिषद सदस्य, त्याचप्रमाणे व्यवस्थापन परिषदेच्या सदस्यांना या बैठकीसाठी बोलविण्यात आले आहे.
सावित्रीबाई फुले पुणे विद्यापीठाचे माजी कुलगुरू आणि एनएपी इम्प्लिमेंटेशन कमिटीचे अध्यक्ष डॉ. नितीन करमळकर, राज्याचे उच्च शिक्षण संचालक डॉ.शैलेंद्र देवळाणकर यांच्यासह शिक्षणाक्षेत्रातील तज्ज्ञ व्यक्तींना या बैठकीसाठी निमंत्रण पाठविण्यात आले आहे, असे प्रोग्रेसिव्ह एज्युकेशन सोसायटीच्या पदाधिकाऱ्यांनी सांगितले.
