फार्मसीच्या विद्यार्थ्याकडून १५ मुलींचे लैंगिक शोषन, व्हिडिओ व्हायरल करण्याची धमकी देत केला अत्याचार

एज्युवार्ता न्यजू नेटवर्क

कोल्हापूर जिल्ह्यातून (Kolhapur Crime News) एक धक्कादायक घटना समोर आली आहे. पुलाची शिरोली येथील २२ वर्षीय शाहीद समीर सनदी या फार्मसीच्या विद्यार्थ्याने (Pharmacy Student Shahid Sameer) केलेल्या क्रूर कृत्याने संपूर्ण जिल्ह्यात खळबळ माजली आहे. हातकणंगले पोलिसांनी केलेल्या तपासात तो मुख्य आरोपी असल्याचे स्पष्ट झाले आहे. सुमारे १५ हून अधिक तरुणींना प्रेमाच्या जाळ्यात अडकवून अश्लील व्हिडिओ (Obscene videos of 15 young women) तयार करणे, त्याद्वारे ब्लॅकमेल करणे आणि शिरोली व कोल्हापूर येथील लॉजमध्ये नेऊन लैंगिक अत्याचार (Sexual assault) करणे या गंभीर आरोपांखाली त्याला अटक (Accused Arrested) करण्यात आली आहे. न्यायालयाने त्याला चार दिवसांची पोलिस कोठडी दिली आहे.

सर्वात धक्कादायक बाब म्हणजे शाहीद स्वतः फार्मसीचे शिक्षण घेत असलेला सुशिक्षित तरुण आहे. औषधनिर्माणशास्त्र, मानवी शरीरशास्त्र आणि व्यावसायिक नैतिकता शिकवणाऱ्या अभ्यासक्रमातून शिकत असतानाही त्याने असे अमानुष कृत्य केल्याने ‘शिक्षण फक्त डिग्रीसाठीच की मूल्ये घडवण्यासाठी?’ असा प्रश्न उपस्थित झाला आहे. शिक्षण व्यवस्थेत नैतिक आणि मानवी मूल्यांच्या शिक्षणाची कमतरता पुन्हा एकदा चर्चेत आली आहे.

पोलिस तपासात शिरोलीसह हुपरी, हातकणंगले आणि कोल्हापूर शहरातील अनेक तरुणी या प्रकरणात अडकल्याची भीती व्यक्त केली जात आहे. आरोपीने प्रेमसंबंधाचे नाटक रचून तरुणींचा विश्वास संपादन केला, त्यांचे अश्लील व्हिडिओ बनवले आणि बदनामीची धमकी देऊन शोषण केल्याचे प्राथमिक तपासात समोर आले आहे.

या घटनेने पालकवर्गात भीतीचे वातावरण निर्माण झाले असून, “आजच्या डिजिटल युगात सुशिक्षित तरुणांकडूनही असे प्रकार घडत असतील तर आपल्या मुली कशावर विश्वास ठेवतील?” असा सवाल उपस्थित होत आहे. शिक्षण क्षेत्रात केवळ ज्ञान नव्हे तर चारित्र्य आणि नैतिक जबाबदारी यावर अधिक भर देण्याची मागणी जोर धरू लागली आहे.