स्त्री शिक्षणाच्या जनक सावित्रीबाई फुले यांच्या जयंतीनिमित्त पंतप्रधान मोदींकडून कार्याला उजाळा 

एज्युवार्ता न्यूज नेटवर्क  

भारतातील अग्रणी महिला शिक्षिका आणि स्त्री शिक्षणाच्या जनक सावित्रीबाई फुले यांच्या जयंतीनिमित्त (Savitribai Phule Birth Anniversary) दरवर्षी ३ जानेवारी रोजी सावित्रीबाई फुले जयंती साजरी केली जाते. हा प्रसंग भारतातील लिंग समानता आणि शिक्षणावरील (Gender equality and education) त्यांचा खोलवरचा प्रभाव अधोरेखित करतो, त्या पार्श्वभूमीवर देशाचे पंतप्रधान नरेंद्र मोदी (Prime Minister Narendra Modi) यांनी त्यांच्या कार्याला उजाळा दिलाय. मोदी यांनी आपल्या 'एक्स' या सोशल मिडिया अकाउंटवर पोस्ट (Post on social media account 'X') शेअर केली आहे. 

हेही वाचा - मुंडे यांच्याकडून दिव्यांग शाळांच्या थकीत अनुदानासाठी तपासणी सूची निश्चित

सावित्रीबाई फुले यांच्या जयंतीनिमित्त, सेवा आणि शिक्षणाच्या माध्यमातून समाजपरिवर्तनासाठी आपले जीवन अर्पण करणाऱ्या अग्रणी व्यक्तीचे आपण स्मरण करतो. समता, न्याय आणि करुणा या तत्त्वांप्रती त्या कटिबद्ध होत्या. शिक्षण हे सामाजिक बदलाचे सर्वात प्रभावी साधन आहे, असा त्यांचा ठाम विश्वास होता आणि ज्ञान व अध्ययनाच्या माध्यमातून जीवनपरिवर्तन घडवण्यावर त्यांनी भर दिला. दुर्बल घटकांची काळजी घेण्यासाठी त्यांनी केलेले कार्य हे विशेष उल्लेखनीय असल्याचे पंतप्रधान मोदी म्हटलं आहे.  

सावित्रीबाई फुले जयंतीचे विद्यार्थ्यांसाठी आणि आजच्या समाजासाठी विशेष महत्त्व आहे. हा दिवस लिंग किंवा सामाजिक पार्श्वभूमी विचारात न घेता सर्वांसाठी समान शैक्षणिक संधींचे महत्त्व विचारात घेण्याचा एक प्रसंग आहे. त्यांचा संदेश विद्यार्थ्यांना भेदभावाला आव्हान देण्यास, ज्ञानासाठी प्रयत्न करण्यास आणि समाजात सकारात्मक योगदान देण्यास प्रोत्साहित करतो, त्यांच्या कार्याला उजाळा देण्यासाठी आज राज्यसह संपुर्ण देशात जयंती निमित्त विविध शैक्षणिक कार्यक्रमाचे आयोजन केले जाते.