सर्व शाळांना आजपासून सुट्टी जाहीर, वाढत्या तापमानामुळे सरकारचे तातडीचे आदेश

एज्युवार्ता न्यूज नेटवर्क 

सध्या संपूर्ण भारतासह ओडिशातही सूर्याचा प्रकोप पाहायला मिळत आहे. वाढत्या तापमानामुळे (Rising Temperatures) जनजीवन विस्कळीत झाले असून, विशेषतः शालेय विद्यार्थ्यांच्या (School Students) आरोग्यावर याचा विपरीत परिणाम होण्याची शक्यता निर्माण झाली आहे. त्या अनुषंगाने ओडीसा सरकारने (Odisha Government) विद्यार्थ्यांच्या आरोग्याला प्राध्यान्य दिल्याचे दिसून येत आहे. राज्यातील सर्व शाळांना आज २७ एप्रिल 2026 पासून उन्हाळ्याची सुट्टी जाहीर (Summer Vacations) करण्याचे आदेश देण्यात आले आहेत. कडाक्याच्या उन्हामुळे सरकारने हा तातडीचा निर्णय (Government Orders) घेण्यात आला आहे.

भारतीय हवामान शास्त्र विभागाने ओडिशातील अनेक जिल्ह्यांमध्ये 'यलो' आणि 'ऑरेंज' अलर्ट जारी केला आहे. अनेक शहरांमध्ये तापमान ४३ ते ४५ अंश सेल्सिअसच्या पार गेले आहे. उष्ण वाऱ्यांमुळे दुपारच्या वेळी घराबाहेर पडणे कठीण झाले असून, लहान मुलांसाठी हे वातावरण अत्यंत घातक ठरू शकते, असे तज्ज्ञांचे मत आहे.

"हा निर्णय केवळ सरकारी शाळांपुरता मर्यादित नाही. राज्यातील सर्व सरकारी, अनुदानित आणि खाजगी प्राथमिक, माध्यमिक तसेच उच्च माध्यमिक शाळांना (सर्व बोर्ड - CBSE, ICSE, ओआरएस) 27 एप्रिलपासून सुट्टी लागू राहील. शिक्षण क्षेत्रात एकवाक्यता राखण्यासाठी हा सर्वसमावेशक निर्णय घेण्यात आला आहे," असे मुख्यमंत्री कार्यालयाने म्हटले आहे. 

उन्हाची तीव्रता पाहता सरकारने सुरुवातीला शाळांच्या वेळा बदलून त्या सकाळी 6.30 ते 10.30 अशा केल्या होत्या. मात्र, सकाळी 10 वाजेनंतरही उष्णता इतकी वाढली की, मुलांना घरी परतताना त्रास सहन करावा लागत होता. पालकांच्या तक्रारी आणि विद्यार्थ्यांचे आरोग्य लक्षात घेऊन अखेर शाळा पूर्णपणे बंद ठेवण्याचा निर्णय घेण्यात आला. शिक्षण विभागाने शाळांना सूचना दिली आहे की, मुलांनी घरी राहूनच स्वतःची काळजी घ्यावी आणि भरपूर पाणी प्यावे.

अनेक शाळांमध्ये वार्षिक परीक्षा संपल्या आहेत, तर काही ठिकाणी त्या सुरू होत्या. ज्या शाळांमध्ये अद्याप मूल्यमापन किंवा अंतर्गत चाचण्या बाकी आहेत, त्यांना ऑनलाइन माध्यमाचा वापर करण्याच्या सूचना काही ठिकाणी देण्यात आल्या आहेत. सुट्टी जाहीर केल्यामुळे आता शैक्षणिक वेळापत्रकात काही प्रमाणात बदल होण्याची शक्यता आहे.