मुंबई विद्यापीठ : 'सीईटी'मुळे उन्हाळी सत्र परीक्षांच्या वेळापत्रकात बदल, सुधारित तारखा जाहीर
मुंबई विद्यापीठाने तृतीय वर्ष बीकॉम सत्र ५ च्या परीक्षेतील २७ मार्चची परीक्षा आता ४ एप्रिलला घेण्याचे जाहीर केले आहे. तर बीए, बीएससी, बीएससी (कम्प्युटर सायन्स), बीएमएमसी आणि बीए सत्र ५ (सीडीओई) च्या २७ मार्च, ३० मार्च आणि १, २, व ४ एप्रिलला होणाऱ्या परीक्षा आता अनुक्रमे ९, १०, ११, १३ आणि १५ एप्रिलला घेण्याचा निर्णय घेतला आहे.
eduvarta@gmail.com 
एज्युवार्ता न्यूज नेटवर्क
राज्य सामाईक प्रवेश परीक्षा (State Common Entrance Examination) कक्षामार्फत विविध व्यावसायिक अभ्यासक्रमांच्या प्रवेशासाठी (Professional course admission) घेण्यात येणाऱ्या प्रवेश परीक्षांमुळे मुंबई विद्यापीठाने (Mumbai University) उन्हाळी सत्राच्या नियोजित (Summer semester exam) परीक्षा पुढे ढकलण्याचा निर्णय घेतला आहे. मुंबई विद्यापीठाने या सुधारित वेळापत्रकाच्या तारखा (Revised dates announced) संकेतस्थळावर जाहीर केल्या आहेत. विद्यार्थ्यांना सुधारित वेळापत्रक विद्यापीठाच्या अधिकृत संकेतस्थळावर पाहता येणार, असल्याचे विद्यापीठ प्रशासनाकडून सांगण्यात आले आहे. सुधारित तारखांमुळे विद्यार्थ्यांना अभ्यासासाठी अधिकचा वेळ मिळणार आहे.
मुंबई विद्यापीठाने तृतीय वर्ष बीकॉम सत्र ५ च्या परीक्षेतील २७ मार्चची परीक्षा आता ४ एप्रिलला घेण्याचे जाहीर केले आहे. तर बीए, बीएससी, बीएससी (कम्प्युटर सायन्स), बीएमएमसी आणि बीए सत्र ५ (सीडीओई) च्या २७ मार्च, ३० मार्च आणि १, २, व ४ एप्रिलला होणाऱ्या परीक्षा आता अनुक्रमे ९, १०, ११, १३ आणि १५ एप्रिलला घेण्याचा निर्णय घेतला आहे.
विद्यापीठ तृतीय वर्ष सत्र ६ बीकॉम, बीकॉम (फायनान्शिअल मार्केट), (बँकिंग अँड इन्शुरन्स), (अकाउंटिंग अँड फायनान्स), (इनव्हेस्टमेंट मॅनेजमेंट), (फायनान्शिअल मॅनेजमेंट), (ट्रान्सपोर्ट मॅनेजमेंट), बीकॉम /बीएमएस (इन्व्हायर्नमेंट मॅनेजमेंट अँड इको), बीएमएस, बीकॉम (सीडीओई), बीकॉम (अकाउंट्स अँड फायनान्स) या परीक्षा १ एप्रिलला घेणार होते. त्या परीक्षा आता ९ एप्रिलपासून घेण्याचे नियोजन विद्यापीठाने केले आहे.
तृतीय वर्ष सत्र ६ बीएससी, बीएससी (कॉम्प्युटर सायन्स), (बायोटेक), (आयटी), (डेटा सायन्स), (आयटी -सीडीओई), (कम्प्युटर सायन्स सीडीओई) आणि तृतीय वर्ष सत्र ६ बीए आणि तृतीय वर्ष सत्र ६ बीएमएमसी या परीक्षा ८ ऐवजी १६ एप्रिलपासून सुरू होतील. सुधारित वेळापत्रक आणि नियोजित तारखांची नोंद घ्यावी, असे आवाहन संचालक परीक्षा व मूल्यमापन मंडळ डॉ. पूजा रौंदळे यांनी केले आहे.
