‘स्कूल कनेक्ट भाग 2.0’ उपक्रमात एक लाखांहून अधिक विद्यार्थ्यांचा सहभाग
या उपक्रमात एकूण १ हजार १८९ महाविद्यालयांनी शाळांना भेटी दिल्या. ४ हजार ८०० शाळांनी सहभाग घेतला होता. एकूण ३ हजार ७२८ शिक्षकांचा यात सहभाग होता. तर ९७ हजार ९४१ विद्यार्थ्यांनी आपला या उपक्रमासाठी सहभाग नोंदवला होता. तर सहभागी पालक व इतर संबंधितांची एकूण संख्या अनुक्रमे ३ हजार ४३३ आणि ४ हजार ६८२ असून एकूण ८ हजार ११५ इतकी होती. यात ९वी, १०वी, ११वी आणि १२वी मधील एकूण १ लाख ३ हजार ५५७ विद्यार्थी या उपक्रमात सहभागी झाले होते.
eduvarta@gmail.com 
एज्युवार्ता न्यूज नेटवर्क
उच्च शिक्षण व्यवस्थेचे संपूर्ण नूतनीकरण आणि आमूलाग्र व्यापक बदल, (Complete renovation and radical comprehensive changes of the higher education system) तसेच इयत्ता ९वी, १०वी आणि १२ वीमध्ये शिक्षण घेत असलेल्या सर्व विद्यार्थ्यांमध्ये (students) सकारात्मक बाबी पोहोचवण्यासाठी शालेय शिक्षण विभागामार्फत स्कूल कनेक्ट भाग 2.0 हा उपक्रम (School Connect Part 2.0 initiative by the Department of School Education) हा उपक्रम राबण्यात आला होता. सदर उपक्रम दि. १ जानेवारी २०२५ ते १५ जानेवारी २०२५ या कालावधीत राबवण्यात आला होता.
या उपक्रमात महाविद्यालयातील शिक्षक, सर्व विद्यार्थी व पालक सहभागी झाले होते. या उपक्रमासाठी शासनातर्फे सर्व महाविद्यालय व विद्यापीठांना गूगल फॉर्मद्वारे प्रश्न पाठवण्यात आले होते. त्यानुसार, या गुगल फॉर्मच्या माध्यमातून विचारलेल्या प्रश्नांना ३२३ महाविद्यालयांनी चांगला प्रतिसाद दिला आहे.
दरम्यान, या उपक्रमात एकूण १ हजार १८९ महाविद्यालयांनी शाळांना भेटी दिल्या. ४ हजार ८०० शाळांनी सहभाग घेतला होता. एकूण ३ हजार ७२८ शिक्षकांचा यात सहभाग होता. तर ९७ हजार ९४१ विद्यार्थ्यांनी आपला या उपक्रमासाठी सहभाग नोंदवला होता. तर सहभागी पालक व इतर संबंधितांची एकूण संख्या अनुक्रमे ३ हजार ४३३ आणि ४ हजार ६८२ असून एकूण ८ हजार ११५ इतकी होती. यात ९वी, १०वी, ११वी आणि १२वी मधील एकूण १ लाख ३ हजार ५५७ विद्यार्थी या उपक्रमात सहभागी झाले होते.
हा उपक्रम संयुक्त पद्धतीने राज्यातील सर्व माध्यमिक आणि उच्च माध्यमिक कनिष्ठ महाविद्यालय व त्या त्या परीक्षेतील अकृषी विद्यापीठांचे प्र-कुलगुरु व सर्व अधिष्ठाता यांच्यासमवेत समन्वय साधून त्या जिल्ह्यातील संबंधित शिक्षण अधिकारी यांनी एकत्रितपणे राबवला होता.
