'महाज्योती'तर्फे JEE/NEET/MHT-CET परीक्षार्थींना मोफत टॅब वाटप 

एज्युवार्ता न्यूज नेटवर्क 

महाराष्ट्र शासनाच्या इतर मागास बहुजन कल्याण विभाग (Other Backward Classes Welfare Department) अंतर्गत JEE/NEET/MHT-CET चे  प्रशिक्षण (JEE/NEET/MHT-CET Coaching Students) घेणाऱ्या विद्यार्थ्यांना मोफत टॅब आणि डाटा सिमकार्ड वाटप करण्यात आले आहेत. महात्मा ज्योतिबा फुले संशोधन व प्रशिक्षण संस्था महाज्योती (Mahajyoti) मार्फत परीक्षा पूर्व प्रशिक्षण घेणा-या विद्यार्थ्यांना शालेय शिक्षण राज्यमंत्री पंकज भोयर (Pankaj Bhoyar) हस्ते टॅब आणि डाटा सिमकार्ड वाटप (Tab and data SIM card allocation) करण्यात आले.

वर्धा जिल्हाधिकारी कार्यालयात या साहित्याचे वाटप करण्यात आले. यामुळे प्रवेश पूर्व परीक्षांची तयारी करणाऱ्या विद्यार्थ्यांना मोठा लाभ होणार असून त्यांना अभ्यास करण्यास मदत होणार आहे. विद्यार्थ्यांनी आपली बलस्थाने ओळखून त्यानुसार पुढील करिअरचे क्षेत्र निवडून टॅबलेट व सिमकार्डचा वापर विद्यार्थ्यांनी त्यांच्या पुढील शैक्षणिक कामकाजासाठी करावा, असे प्रतिपादन मंत्री भोयर यांनी यावेळी केले. 

या उपक्रमामुळे विद्यार्थ्यांना आधुनिक शिक्षणाच्या प्रवाहात सामील होण्यासाठी मदत मिळणार आहे. यावेळी हिंगणघाट विधानसभा मतदार संघाचे आमदार मीरजी कुणावार, वर्ध्याचे जिल्हाधिकार वान्मथी सी. तसेच वरिष्ठ अधिकारी आणि सर्व लाभार्थी विद्यार्थी मोठ्या संख्येने उपस्थित होते. हा उपक्रम विद्यार्थ्यांच्या उज्ज्वल भविष्यासाठी एक महत्वपूर्ण पाऊल ठरणार हे मात्र नक्की, असे शालेय शिक्षण राज्यमंत्री पंकज भोयर म्हणाले.