CUET PG 2025 नोंदणी करण्यासाठी तारीख वाढली

एज्युवार्ता न्यूज नेटवर्क

कॉमन युनिव्हर्सिटी एन्ट्रन्स टेस्टसाठी अर्ज करू इच्छिणाऱ्या उमेदवारांसाठी महत्वाची बातमी समोर आली आहे. राष्ट्रीय चाचणी एजन्सीने (NTA) कॉमन युनिव्हर्सिटी एन्ट्रन्स टेस्ट (common university entrance test) CUET PG 2025 साठी नोंदणीची (registration) तारीख वाढवली आहे. आता उमेदवार येत्या 8 फेब्रुवारी 2025 पर्यंत नोंदणी करू शकणार आहेत. अधिक माहितीसाठी उमेदवारांनी CUET PG च्या https://exams.nta.ac.in/CUET-PG या अधिकृत वेबसाइटला भेट द्यावी.

अर्ज शुल्क सामान्य श्रेणीतील उमेदवारांसाठी दोन परीक्षांसाठी १ हजार ४०० रुपये आणि प्रत्येक परीक्षा पेपरसाठी ७०० रुपये असणार आहे. OBC-NCL/GenEWS साठी दोन परीक्षांसाठी १ हजार २०० रुपये आणि प्रत्येक परीक्षा पेपरसाठी ६०० रुपये असणार आहे. SC/ST/तृतीय लिंग उमेदवारांसाठी दोन परीक्षांसाठी १ हजार १०० रुपये आणि ६०० रुपये आहे. PwBD श्रेणीतील उमेदवारांसाठी प्रत्येक परीक्षा पेपरसाठी १ हजार रुपये आणि प्रत्येक पेपरसाठी ६०० रुपये असणार आहे. शुल्क भरण्याची शेवटची तारीख 9 फेब्रुवारी 2025 असणार आहे आणि दुरुस्ती विंडो 10 फेब्रुवारी रोजी उघडणार असून 12 फेब्रुवारी 2025 रोजी बंद होईल याची उमेदवारांनी नोंद घ्यावी.

CUET PG 2025 नोंदणी करण्यासाठी उमेदवारांनी अधिकृत वेबसाइटला भेट द्यावी. होम पेजवर उपलब्ध असलेल्या नोंदणी लिंकवर क्लिक करा. एक नवीन पेज उघडेल जिथे उमेदवारांना नोंदणी तपशील प्रविष्ट करावे लागतील. एकदा ते पूर्ण झाल्यावर, लॉगइन करा. फॉर्म भरा आणि अर्ज शुल्क भरा. सबमिट वर क्लिक करा आणि पेज डाउनलोड करा. पुढील गरजेसाठी त्याची हार्ड कॉपी ठेवा.

बोर्डाच्या परीक्षा केंद्रावर बुरख्याला बंदी नाही; दादा भुसेंचे मोठे वक्तव्य