NEET PG कौन्सिलिंगची पहिली फेरी या तारखेपासून सुरू

एज्युवार्ता न्यूज नेटवर्क 

मेडिकल कौन्सिलिंग कामिटीने (Medical Counseling Committee) MCC ने NEET PG 2024 चे 2024 (National Eligibility cum Entrance Examination Postgraduate) समुपदेशन वेळापत्रक जाहीर केले आहे. (Counseling timetable announced) हे वेळापत्रक मेडिकल कौन्सिलिंग कामिटीच्या https://mcc.nic.in/  या अधिकृत वेबसाइटवर प्रसिद्ध करण्यात आले आहे. समुदेशनाची पहिली फेरी 7 नोव्हेंबरपासून सुरू होणार आहे. 

अधिकृत वेळापत्रकानुसार, वैद्यकीय संस्थांद्वारे देण्यात आलेल्या जागांच्या संख्येनुसार सीट मॅट्रिक्सची पडताळणी 7 नोव्हेंबर रोजी होईल. यानंतर 8 ते 17 नोव्हेंबर दरम्यान निवड भरण्याची प्रक्रिया केली जाईल. 17 नोव्हेंबर रोजी संध्याकाळी 4:00 ते 11:55 दरम्यान निवडी लॉक केल्या जातील. यानंतर 18-19 नोव्हेंबर रोजी जागा वाटपाची प्रक्रिया होईल. पहिल्या टप्प्यातील समुपदेशनाचा निकाल 20 नोव्हेंबरला जाहीर होणार आहे.

समुपदेशनाच्या पहिल्या फेरीत जागा मिळवणाऱ्या विद्यार्थ्यांना 21 ते 27 नोव्हेंबर दरम्यान संबंधित शैक्षणिक संस्थेला कळवावे लागेल. त्यानंतर 4 डिसेंबरपासून समुपदेशनाची दुसरी फेरी सुरू होईल. यामध्ये संभाव्य सीट मॅट्रिक्सची पडताळणी ४ डिसेंबर रोजी होणार आहे. त्यानंतर विद्यार्थी ९ डिसेंबर रोजी दुपारी ३:०० वाजेपूर्वी शुल्क भरू शकतील. 5 ते 9 डिसेंबर दरम्यान उमेदवार त्यांचे चॉईस फिलिंग आणि 9 डिसेंबर रोजी चॉईस लॉकिंग करू शकतील. 10 आणि 11 डिसेंबर रोजी जागावाटप होणार आहे. दुसऱ्या फेरीच्या समुपदेशनाचा निकाल १२ डिसेंबरला जाहीर होणार आहे.

वेळापत्रकानुसार, सीट मॅट्रिक्सच्या पडताळणीसह तिसऱ्या फेरीच्या समुपदेशनाची प्रक्रिया २६ डिसेंबरपासून सुरू होईल. १ जानेवारीपर्यंत पैसे भरण्याची सुविधा उपलब्ध असेल. या कालावधीत, उमेदवार 31 डिसेंबरपूर्वी त्यांचे पर्याय लॉक करू शकतील. 2 आणि 3 जानेवारीला जागा वाटपाची प्रक्रिया सुरू होईल. तिसऱ्या फेरीचा निकाल ४ जानेवारीला जाहीर होणार आहे. या फेरीत निवड झालेल्या विद्यार्थ्यांना 6 ते 13 जानेवारी दरम्यान त्यांच्या संस्थेला कळवावे लागेल.

समुपदेशनाच्या तीन फेऱ्या सुरू असतानाही अनेक शैक्षणिक संस्थांमधील जागा रिक्त राहण्याची शक्यता आहे. या जागा भरण्यासाठी स्ट्रे व्हॅकन्सी राऊंड घेण्यात येणार आहे. 18 जानेवारी 2025 पासून या फेरीसाठी संस्थांनी दिलेल्या जागांचे मॅट्रिक्स तयार केले जातील. त्यानंतर 21 जानेवारीपर्यंत उमेदवाराला अर्ज सादर करता येणार आहेत. तसेच, 22 आणि 23 जानेवारीला जागा वाटप प्रक्रिया पूर्ण होईल आणि 24 जानेवारीला निकाल जाहीर होईल.