ITI उत्तीर्णांना नोकरीचा संधी: 'आण्विक इंधन कॉम्प्लेक्स'मध्ये विविध पदांसाठी भरती सुरू
अर्ज प्रक्रिया सुरू झाली असून इच्छुक आणि पात्र उमेदवारांकडून अर्ज मागवण्यात येत आहेत. उमेदवारांना ऑनलाईन पद्धतीने अर्ज करायचा असून अर्ज करण्याची अंतिम मुदत २५ नोव्हेंबर देण्यात आली आहे.
eduvarta@gmail.com 
एज्युवार्ता न्यूज नेटवर्क
नोकरीच्या शोधात असलेल्या तरुणांसाठी महत्त्वाची बातमी समोर आली आहे. आण्विक इंधन कॉम्प्लेक्स (NFC) अंतर्गत ITI ट्रेड अप्रेंटिस (ITI Trade Apprentice) पदांच्या 300 जागा भरल्या जाणार आहेत. यासाठी अर्ज प्रक्रिया सुरू झाली असून इच्छुक आणि पात्र उमेदवारांकडून अर्ज मागवण्यात येत आहेत. उमेदवारांना ऑनलाईन पद्धतीने अर्ज करायचा असून अर्ज करण्याची अंतिम मुदत २५ नोव्हेंबर (Deadline 25 November) आहे.
अधिकृत अधिसूचनेनुसार, NFC भरती 2024 साठी अर्ज करण्यास इच्छुक असलेल्या अर्जदाराचे वय 18 वर्षांपेक्षा कमी नसावे आणि 25 वर्षांपेक्षा जास्त नसावे. ओबीसी, एससी/एसटी उमेदवारांनी नियमाप्रमाणे वयोमर्यादेत सूट देण्यात येणार आहे. यासाठी उमेदवाराने दहावी उत्तीर्ण व आयटीआय चे शिक्षण पूर्ण केलेले असावे. निवडलेल्या उमेदवारांना 7 हजार 700 ते 8 हजार 50 रुपये एवढा मासिक स्टायपेंड देण्यात येणार आहे.
इलेक्ट्रिशियन व्यतिरिक्त इतर ट्रेडसाठी उमेदवाराची निवड मुलाखतीत त्यांच्या कामगिरीच्या आधारावर केली जाईल. तर इलेक्ट्रिशियन उमेदवारांची निवड गुणवत्तेच्या आधारावर केली जाईल. वर नमूद केलेल्या आवश्यकता पूर्ण करणाऱ्या संभाव्य उमेदवारांनी शेवटच्या तारखेला किंवा त्यापूर्वी NFC च्या अधिकृत वेबसाइटद्वारे ऑनलाइन अर्ज करणे आवश्यक आहे. उमेदवारांना प्रशिक्षणाच्या 1 वर्षांच्या कालावधीसाठी प्रशिक्षणार्थी प्रशिक्षण घ्यावे लागेल.
