जेईई मेन निकालाची अधिकृत घोषणा होण्यापूर्वीच निकालाची लिंक व्हायरल; विद्यार्थ्यांमध्ये गोंधळ

एज्युवार्ता न्यूज नेटवर्क 

१३ लाखांहून अधिक उमेदवार जेईई मेन निकालाची वाट पाहत आहेत. NTA ने कालच जेईई मेन परीक्षेची अंतिम उत्तर की प्रसिद्ध केली आहे. मात्र जेईई मेन निकालाची अधिकृत घोषणा होण्यापूर्वीच निकालाची लिंक सोशल मीडियावर व्हायरल झाल्याने विद्यार्थ्यांमध्ये गोंधळ निर्माण झाला आहे. (JEE Main result link goes viral even before official announcement) तथापि, या लिंकवर क्लिक केल्याने '५०० इंटरनल सर्व्हर एरर' (500 Internal Server Error) दिसून येत आहे. त्यामुळे ही लिंक NTA कडून जाहीर करण्यात आली आहे की ही फेक लिंक आहे, असा संशय व्यक्त केला जात आहे. 

व्हायरल झालेल्या पोस्टमध्ये शेअर करण्यात आलेली लिंक NTA च्या अधिकृत वेबसाइटवर दिसत नाहीये. दरम्यान व्हायरल पोस्टमध्ये असा दावा केला जात आहे की, "एनटीएने jeemain.nta.nic.in/results-for-jeemain-2025-session-1/link या लिंक द्वारे निकाल जाहीर केला आहे. मात्र सध्या या लिंकमध्ये एरर येत असल्यामुळे NTA कडून तांत्रिक समस्या सोडवल्यानंतर, विद्यार्थी या लिंकवरून त्यांचा जेईई मुख्य निकाल आणि स्कोअर कार्ड तपासू शकतील."  

दरम्यान, विद्यार्थ्यांनी घेतलेल्या आक्षेपांचा विचार केल्यानंतर विषय तज्ञांनी जेईई अंतिम उत्तर कीमधून एकूण १२ प्रश्न काढून टाकले आहेत. जेईई मेन सत्र १ च्या परीक्षेत बसलेले सर्व विद्यार्थी अंतिम उत्तर कीच्या मदतीने त्यांचे संभाव्य गुण मोजू शकतात.