नेपाळी विद्यार्थिनीच्या आत्महत्येची चौकशी करा; नेपाळी संघटनांच्या वतीने जिल्हाधिकाऱ्यांना निवेदन

एज्युवार्ता न्यूज नेटवर्क

ओरिसा येथील भुवनेश्वरमधील (Bhubaneswar in Orissa) कलिंगा इन्स्टिट्यूट ऑफ इंडस्ट्रियल टेक्नॉलॉजी (Kalinga Institute of Industrial Technology) या विद्यापीठात शिकणाऱ्या नेपाळी विद्यार्थिनीच्या आत्महत्येची (Suicide of a Nepalese student) चौकशी व्हायला हवी आणि विद्यापीठाचे कुलगुरू प्रा.चरणजित सिंग (Vice Chancellor of the University Prof. Charanjit Singh) यांचे तात्काळ निलंबन (Suspension) करावे असे निवेदन पुणे शहरातील नेपाळी संघटनांच्या वतीने (Nepali organizations in Pune city) पुणे जिल्हाधिकारी कार्यालय येथे निवासी जिल्हाधिकारी ज्योती कदम (Resident Collector Jyoti Kadam) यांना देण्यात आले आहे.  

या विद्यापीठाच्या कॅम्पसमध्ये एका नेपाळी विद्यार्थिनीने तिच्याच खोलीत आत्महत्या केली. या विद्यार्थिनीच्या आत्महत्येचे कारण जाणून घेण्यासाठी व न्याय मिळवून देण्यासाठी अखिल भारतीय विद्यार्थी परिषदेच्या विद्यार्थी संघटनेच्या प्रतिनिधींसह काही नेपाळी विद्यार्थ्यांनी कॅम्पसमध्ये आंदोलन सुरू केले होते.

नेपाळी विद्यार्थी आणि स्थानिक विद्यार्थी संघटनेचे कार्यकर्ते या आत्महत्येबाबत विद्यापीठ प्रशासनाला प्रश्न विचारत असताना, विद्यापीठ प्रशासनाने नेपाळी विद्यार्थी आणि विद्यार्थी संघटनांच्या प्रतिनिधींचे ऐकले नाही आणि प्रश्न उपस्थित करणाऱ्या नेपाळी विद्यार्थी आणि विद्यार्थी संघटनेच्या प्रतिनिधींना विद्यापीठाच्या सुरक्षा कर्मचाऱ्यांनी मारहाण करून हे आंदोलन चिरडण्याचा प्रयत्न केला गेला असाही आरोप या संघटनांच्या वतीने करण्यात येत आहे. 

या विद्यापीठाच्या प्रशासनाने नेपाळी विद्यार्थ्यांना त्यांच्याच वसतिगृहातून जबरदस्तीने बाहेर काढून नेपाळी विद्यार्थ्यांना तातडीने त्यांचे वसतिगृह सोडून त्यांच्या गावी जाण्याचे आदेश दिले. विद्यापीठ प्रशासनाने केलेली ही कारवाई अत्यंत घृणास्पद व निषेधार्ह असल्याचेही नेपाळी सामाजिक संघटनेने म्हटले आहे.  

दरम्यान, कलिंगा इन्स्टिट्यूट ऑफ इंडस्ट्रियल टेक्नॉलॉजी युनिव्हर्सिटीचे विद्यमान कुलगुरू प्रा.चरणजीत सिंग यांनी आपल्या पदाचा गैरवापर आणि बेजबाबदार वर्तन केल्याबद्दल त्वरित निलंबन आणि काढून टाकण्याची विनंती संघटनेने केली आहे. यावेळी पुणे शहरातील अनेक नेपाळी संघटनांचे प्रतिनिधी उपस्थित होते.