‘राज्यस्तरीय उल्लास मेळाव्या’चे मंत्री दीपक केसरकर यांच्या हस्ते उद्घाटन

एज्युवार्ता न्यूज नेटवर्क

केंद्र पुरस्कृत नवभारत साक्षरता (Centrally Sponsored Navbharat Literacy) या कार्यक्रमांतर्गत ‘राज्यस्तरीय उल्लास मेळाव्या’चे (State level Ulas melava) रविवार दि. २९  व ३० सप्टेंबर 2024 रोजी पुण्यातील राज्य शैक्षणिक संशोधन व प्रशिक्षण परिषद (State Council of Educational Research and Training) येथे आयोजन करण्यात आले आहे. या मेळाव्याचे उद्घाटन शालेय शिक्षण मंत्री दीपक केसरकर (School Education Minister Deepak Kesarkar) यांच्या प्रमुख उपस्थितीत पार पडणार आहे.

या दोन दिवसीय मेळाव्यामध्ये विविध कार्यक्रमांचे आयोजन करण्यात आले आहे. यामध्ये प्रामुख्याने जिल्हा निहाय स्टॉल प्रदर्शन, राज्य विशेषकांचे प्रकाशन व जिल्हा व विभाग विशेषकांचे प्रदर्शन, उल्लेखनीय व प्रशंसनीय कामगिरी केलेल्यांचा तसेच नवसाक्षर व स्वयंसेवक यांचा गौरव, शिक्षण उपसंचालक आपल्या विभागातील नवभारत साक्षरता कार्यक्रमाच्या अंमलबजावणीचे सादरीकरण, सांस्कृतिक कार्यक्रम, नवसाक्षर व स्वयंसेवक यांचे चर्चासत्र, पर्यवेक्षकीय अधिकाऱ्यांच्या यशोगाथा व चर्चासत्र असे विविध कार्यक्रम आयोजित करण्यात आले आहेत.

हा मेळावा शालेय शिक्षण व क्रीडा विभागाच्या प्रधान सचिव आय. ए. कुंदन तसेच शिक्षण आयुक्त सुरज मांढरे, प्राथमिक शिक्षण परिषदेचे प्रकल्प संचालक आर विमला, महाराष्ट्र राज्य शैक्षणिक संशोधन व प्रशिक्षण परिषदेचे संचालक राहुल रेखावार, तसेच प्राथमिक शिक्षण संचालक व राज्य मंडळाचे अध्यक्ष शरद गोसावी, माध्यमिक व उच्च माध्यमिक शिक्षण संचालनालयाचे संचालक संपत सूर्यवंशी, बालभारतीचे संचालक श्रीकृष्णकुमार पाटील, महाराष्ट्र राज्य परीक्षा परिषदेचे अध्यक्ष नंदकुमार बेडसे व शिक्षण संचालनालय (योजना) संचालक महेश पालकर यांच्या उपस्थितीत पार पडणार आहे.