परदेशातील विद्यार्थ्यांच्या प्रवेशावर हार्वर्डला दिलासा
"जोपर्यंत कायदेशीर प्रक्रिया सुरू आहे, तोपर्यंत परदेशी विद्यार्थी हॉर्वर्डमध्ये शिक्षण सुरू ठेवू शकतील," असा निकाल न्यायाधीशांनी दिला आहे. अध्यक्ष डोनाल्ड ट्रम्प यांनी घेतलेल्या अनेक निर्णयांविरोधात विद्यापीठ न्यायालयात गेले आहे.
eduvarta@gmail.com 
एज्युवार्ता न्यूज नेटवर्क
अमेरिकेत हॉर्वर्ड विद्यापीठ (Harvard University USA) आणि ट्रम्प प्रशासनामध्ये (Trump administration) सुरू असलेल्या विवादाच्या पार्श्वभूमीवर मध्यवर्ती न्यायालयाने (Central Court) विद्यापीठाला मोठा दिलासा दिला आहे. परदेशातील विद्यार्थ्यांना प्रवेश (Admission of foreign students) देण्यास विद्यापीठावर बंदी घालण्याचे प्रशासनाचे प्रयत्न संघीय न्यायधीशाने रोखले आहेत. अमेरिकेचे जिल्हा न्यायधीश अलिसन बरोज यांनी दिलेला हा निकाल म्हणजे विद्यापीठाचा मोठा विजय असल्याचे मानले जात आहे.
"जोपर्यंत कायदेशीर प्रक्रिया सुरू आहे, तोपर्यंत परदेशी विद्यार्थी हॉर्वर्डमध्ये शिक्षण सुरू ठेवू शकतील," असा निकाल न्यायाधीशांनी दिला आहे. अध्यक्ष डोनाल्ड ट्रम्प यांनी घेतलेल्या अनेक निर्णयांविरोधात विद्यापीठ न्यायालयात गेले आहे.
त्यामुळे हा निर्णय त्यांच्यासाठी मोठा दिलासादायक ठरणार आहे. परदेशी विद्यार्थ्यांनी देशात प्रवेश देण्यासाठी आणि त्यांच्या व्हिसासाठी कागदपत्रे मंजूर करण्यासाठी विद्यापीठाचा परवाना येथील गृह सुरक्षा विभागाने रद्द केल्यानंतर 'हॉर्वर्ड'ने मे महिन्यात त्यांच्यावर खटला दाखल केला होता.
