नवीन शैक्षणिक वेळापत्रक जाहीर होताच, चर्चेला उधाण

एज्युवार्ता न्यूज नेटवर्क 

राज्य शैक्षणिक संशोधन व प्रशिक्षण परिषदेने (एससीईआरटी) इयत्ता पहिली व दुसरीसाठी नव्या (First and second class timetable) शैक्षणिक वर्षासाठी (२०२५-२६) विषयनिहाय वेळापत्रक प्रसिद्ध (Subject-wise timetable published) केले असून, त्यात हिंदी अथवा तिसरी भाषा हा पर्यायी विषय समाविष्ट (Hindi or third language subject included) करण्यात आला आहे. मात्र, यामुळे हिंदी शिकवण्याची सक्तीच शाळांवर लादली जात असल्याचा आरोप पालक, शिक्षक व शिक्षणतज्ज्ञ तसेच राजकीय नेत्यांकडून केला जात आहे.

नवीन राष्ट्रीय शैक्षणिक धोरणानुसार (एनईपी २०२०) मुलांना लहान वयातच विविध भाषा शिकवून बहुभाषिकता विकसित करणे हा उद्देश आहे; पण राज्य शासनाने याआधी अनेकदा सांगितले होते की, मातृभाषेतून शिक्षण हेच प्राथमिक धोरण राहील. मात्र, एससीईआरटीने जारी केलेल्या वेळापत्रकामुळे शासनाच्या या भूमिकेवरही प्रश्नचिन्ह उपस्थित झाले आहे. शिक्षणतज्ज्ञ, शिक्षक संघटना आणि पालक यांच्या मते लहान मुलांच्या शैक्षणिक गरजांपेक्षा प्रशासनाच्या धोरणात्मक घोषणांना महत्त्व दिलं जातं आहे.

नवीन वेळापत्रकानुसार इयत्ता पहिलीसाठी आठवड्याला दोन तास, तर दुसरीसाठी तीन तास हिंदी किंवा तिसऱ्या भाषेसाठी राखीव ठेवण्यात आले आहेत. याचा अर्थ, या इयत्तांमध्ये मुख्य विषयांव्यतिरिक्त आता विद्यार्थ्यांना एक तिसरा विषय शिकवला जाणार आहे. यामुळे लहान मुलांच्या वयानुरूप अभ्यासाच्या मर्यादा लक्षात घेता, त्यांच्यावर अतिरिक्त बौद्धिक ताण येण्याची शक्यता पालकांनी व्यक्त केली आहे.