ड्रोनची कमाल! बीडमधील काॅपी प्रकरण, केंद्र संचालकासह १७ शिक्षकांवर गुन्हे दाखल

एज्युवार्ता न्यूज नेटवर्क 

बीड तालुक्यातील चौसाळा येथील बारावीच्या बोर्ड परीक्षा केंद्रावर (Chausala Examination Centre) ड्रोन कॅमेऱ्याची कमाल पाहायला मिळाली. मंगळवारी १० फेब्रुवारी रोजी बारावीच्या इंग्रजी पेपरवेळी (Class 12 English paper) बाहेरून सर्रास कॉपी पुरवली (Widespread copying provided from outside) जात असल्याचा प्रकार ड्रोनमध्ये कैद झाला होता. या प्रकरणाची आता प्रशासनाने गंभीर दखल घेतली असून, यामध्ये सहभागी असलेल्या केंद्रसंचालकासह १७ शिक्षकांवर (Cases filed against 17 teachers including the center director) नेकनूर पोलिस ठाण्यात बुधवारी रात्री १० वाजता फौजदारी गुन्हा दाखल करण्यात आले आहेत. या कारवाईमुळे शिक्षण क्षेत्रात मोठी खळबळ उडाली आहे. बीडचे जिल्‌हाधिकारी विवेक जॉन्सन यांच्या आदेशानंतर शिक्षण विभागाने ही धडक कारवाई केली आहे. 

मिळालेल्या माहितीनुसार, १० फेब्रुवारी रोजी चौसाळा येथील केंद्र क्रमांक २२४ वर इंग्रजीच्या पेपरवेळी ड्रोन कॅमे याद्वारे चित्रीकरण करण्यात आले होते. यामध्ये १६ परीक्षा दालनांमधील पर्यवेक्षक कॉपीला प्रतिबंध न करता उलट परीक्षार्थ्यांना सर्रास कॉपी पुरविण्यास मदत करत असल्याचे दिसून आले, आरोपींनी संगनमत करून शासनाच्या 'कॉपीमुक्त' मोहिमेला हरताळ फासल्याचे फिर्यादीत म्हटले आहे. याप्रकरणी महाराष्ट्र विद्यापीठ मंडळ गैरप्रकार कायदा १९८२ आणि बीएनएस अंतर्गत गुन्हा नोंदवण्यात आल आहे. सहायक पोलीस निरीक्षक चंद्रकांत गोसावी यांच्या मार्गदर्शनाखाली पोलीस उपनिरीक्षक रोकडे या प्रकरणाचा पुढील तपास करत आहेत. 

या प्रकरणी प्रभारी गटशिक्षणाधिकारी समंदर हमीच खान पठाण यांच्या फिर्यादीवरून गुन्हा दाखल झालेल्यांमध्ये केंद्र संचालक संजय घाटगे, भागवत कुरूंद (चौसाळा महाविद्यालय), शिक्षक गोरोबा बचुटे, राजेश्री माने, वसीम शेख, आर. जी. करडकर, एस. आर. दांगट (नेकनूर महाविद्यालय), विनायक वजे, ताराचंद राठोड, ए. बी. अघाव, पी. के. रसाळ, जी. बी. चक्रे (मांजरसुंबा विद्यालय), सी. एस. मुळीक, बी. बी. सुपेकर, यू, डी. उगले, एम. एस. गवई आणि बालासाहेब पवार (लिंबामणेश विद्यालय) यांचा समावेश आहे. 

बीड जिल्ह्यात १०३ केंद्रांवर बारावीची परीक्षा सुरू असून ४५ हजार २४७ विद्यार्थी भवितव्य अजमावत आहेत. प्रशासनाचे 'कॉपीमुक्त' दावे पहिल्याच इंग्रजीच्या पेपरला फोल ठरले. अनेक केंद्रांवर कॉप्यांचा सुळसुळाट पाहायला मिळाला, तर चौसाळ्यात ड्रोनने हा प्रकार उघड केला, यामुळे पारदर्शक परीक्षेच्या दाव्यांवर प्रश्नचिन्ह उपस्थित होत आहे.