CUET PG Exam : एनटीएकडून सीयूईटी पीजी परीक्षेचे प्रवेशपत्र जारी
सीयूईटी पीजी परीक्षा या 6, 7, 8, 9, 10, 11, 12, 13, 16, 17, 18, 19, 24, 25 आणि 27 मार्च 2026 रोजी होणार आहेत. आता 6 ते 10 तारखेपर्यंत परीक्षा असलेल्या विद्यार्थ्यांचे प्रवेशपत्र जाही करण्यात आले आहेत. CUET PG परीक्षा दररोज दोन किंवा तीन शिफ्टमध्ये घेतली जाईल.
eduvarta@gmail.com 
एज्युवार्ता न्यूज नेटवर्क
नॅशनल टेस्टिंग एजन्सी (NTA) ने CUET PG 2026 परीक्षेचे (CUET PG 2026 Exam) प्रवेशपत्र जारी (Issue of admit card) केले आहे. 6, 7, 8, 9 आणि 10 मार्च 2026 रोजी परीक्षेला बसणारे विद्यार्थी NTA च्या अधिकृत वेबसाइट, exams.nta.nic.in/cuet-pg/ ला भेट देऊन त्यांचे NTA CUET PG प्रवेशपत्र त्वरित डाउनलोड करू शकतात. इतर तारखांसाठी प्रवेशपत्र लवकरच जाहीर केले जाणार असल्याचे स्पष्ट करण्यात आले आहे.
सीयूईटी पीजी परीक्षा या 6, 7, 8, 9, 10, 11, 12, 13, 16, 17, 18, 19, 24, 25 आणि 27 मार्च 2026 रोजी होणार आहेत. आता 6 ते 10 तारखेपर्यंत परीक्षा असलेल्या विद्यार्थ्यांचे प्रवेशपत्र जाही करण्यात आले आहेत. CUET PG परीक्षा दररोज दोन किंवा तीन शिफ्टमध्ये घेतली जाईल. पहिल्या शिफ्टची वेळ सकाळी ९ ते १०:३०, दुसऱ्या शिफ्टची परीक्षा दुपारी १२:३० ते २ आणि तिसऱ्या शिफ्टची परीक्षा दुपारी ४ ते ५:३० या वेळेत घेतली जाईल.
असे डाउनलोड करा प्रवेशपत्र
CUET PG प्रवेशपत्र २०२६ डाउनलोड करण्यासाठी, प्रथम अधिकृत वेबसाइट exams.nta.nic.in/cuet-pg/ ला भेट द्या. होम पेजवर, LATEST NEWS अंतर्गत, "CUET (PG)-२०२६ परीक्षेचे प्रवेशपत्र, ६, ७, ८, ९ आणि १० मार्च २०२६ रोजी उपस्थित राहण्यासाठी नियोजित अर्जदारांसाठी" या लिंकवर क्लिक करा. त्यानंतर, तुमचे लॉगिन तपशील प्रविष्ट करा आणि सबमिट करा. प्रवेशपत्र स्क्रीनवर उघडेल, त्याला डाउनलोड करून प्रिंटआउट घेऊ शकता.
सर्व विद्यार्थ्यांनी परीक्षा केंद्रावर त्यांचे प्रवेशपत्र आणि वैध ओळखपत्र (आधार कार्ड/पॅन कार्ड/मतदार ओळखपत्र/ड्रायव्हिंग लायसन्स) सोबत आणावे. ओळखपत्र आणि प्रवेशपत्राशिवाय तुम्हाला परीक्षा हॉलमध्ये प्रवेश दिला जाणार नाही, अशा नॅशनल टेस्टिंग एजन्सीकडून देण्यात आल्या आहेत.
