सीईटी सेलसाठी यंदा विक्रमी नोंद, अर्ज दुरुस्तीसाठी ७ मार्चपर्यंत मुदत

एज्युवार्ता न्यूज नेटवर्क

राज्यातील एमएचटी पीसीएम व पीसीबी (PCM & PCB Group) सीईटीला यंदा मोठा प्रतिसाद मिळाला असून, ११ लाख ४२ हजारांहून अधिक विद्यार्थी परीक्षा देणार (11 lakh 42 thousand students will take the exam) आहेत. पहिली प्रवेश परीक्षा ११ एप्रिलपासून सुरू होणार आहे. त्यापूर्वी सीईटी सेलने विद्यार्थ्यांना अर्जामध्ये काही दुरुस्त्या करायच्या असल्यास दुरुस्ती विंडो ओपन (Repair window open) केली आहे. यामध्ये विद्यार्थ्यांचे नाव, जन्मदिनांक, फोटो, सही, आणि लिंग, ग्रुप यांसारख्या गोष्टी बदलता येणार आहे. त्यासाठी ५ मार्च ते ७ मार्च २०२६ पर्यंत हि विंडो ओपन (Deadline until March 7th) ठेवली जाणार आहे. 

केंद्रीय सामायिक कक्षातर्फे शैक्षणिक वर्ष २०२६-२७ साठी घेण्यात येणाऱ्या एमएचटी सीईटी (पीसीएम व पीसीबी) प्रवेश परीक्षेला यंदा मोठी नोंदणी झाली आहे. दोन्ही संधी मिळून एकूण ११ लाख ४२ हजार ६१० विद्यार्थी ही प्रवेश परीक्षा देणार आहेत. विद्यार्थ्यांच्या अर्जामध्ये झालेल्या चुका दुरुस्त करण्यासाठी ५ ते ७ मार्च २०२६ या कालावधीत ऑनलाईन सुविधा उपलब्ध करून देण्यात आली आहे.

यंदा प्रथमच सीईटीसाठी दोन संधी देण्यात आल्या आहेत. विद्यार्थ्यांना पहिली परीक्षा देणे बंधनकारक, तर दुसरी ऐच्छिक आहे. दोन्हीपैकी ज्या परीक्षेत जास्त गुण मिळतील, तेच प्रवेशासाठी ग्राह्य धरले जाणार. यावर्षी पीसीएम व पीसीबी या दोन्ही सीईटीसाठी पहिल्या संधीसाठी ७ लाख ५५ हजार २९ विद्यार्थ्यांनी नोंदणी केली आहे. तर दुसऱ्या संधीसाठी ३ लाख ८७ हजार ५८१ विद्यार्थ्यांनी नोंदणी केली आहे. दोन्ही संधी मिळून एकूण ११ लाख ४२ हजार ६१० विद्यार्थी परीक्षा देणार आहेत. यंदा परीक्षा चोख होण्यासाठी प्रशासनाकडून जय्यत तयारी केली जात आहे.