CISF Bharti: सीआयएसएफ भरती प्रक्रिया 31 ऑगस्टपासून
CISF सरकारी नोकरीसाठी अर्ज करण्यासाठी, उमेदवारांनी मान्यताप्राप्त बोर्डातून विज्ञानासह 12वी उत्तीर्ण असणे आवश्यक आहे. तसेच या भरतीसाठी फक्त पुरुष उमेदवारच अर्ज करण्यास पात्र आहेत.
eduvarta@gmail.com 
एज्युवार्ता न्युज नेटवर्क
केंद्रीय औद्योगिक सुरक्षा दलामध्ये (CISF) सामील होण्याचे स्वप्न पाहणाऱ्या तरुणांसाठी एक नवीन संधी आली आहे. अलीकडेच CISF ने कॉन्स्टेबल (constable) आणि फायरच्या (Fire) 1 हजार 100 हून अधिक पदांसाठी रिक्त जागांची अधिकृत अधिसूचना (Notification Released) प्रसिद्ध केली होती. या भरतीसाठी 31 ऑगस्ट पासून अर्ज प्रक्रिया (Application Process) सुरू होणार आहे. या भरतीसाठी उमेदवार (Candidates) ३० सप्टेंबर २०२४ पर्यंत अर्ज करू शकणार आहे.
CISF सरकारी नोकरीसाठी अर्ज करण्यासाठी, उमेदवारांनी मान्यताप्राप्त बोर्डातून विज्ञानासह 12वी उत्तीर्ण असणे आवश्यक आहे. या भरतीसाठी फक्त पुरुष उमेदवारच अर्ज करण्यास पात्र आहेत. इतर तपशीलासाठी उमेदवार या भरतीची अधिकृत अधिसूचना तपासू शकतात.
शैक्षणिक पात्रतेव्यतिरिक्त, उमेदवारांसाठी शारीरिक पात्रता देखील विहित करण्यात आली आहे. पुरुष उमेदवारांची उंची 170 सेमी असावी. तर छाती 80 सेमी असावी आणि विस्तारानंतर ती 85 सेमी असावी. उमेदवारांचे किमान वय १८ वर्षे आणि कमाल २३ वर्षे असावे. 30 सप्टेंबर 2024 रोजी वयाची गणना केली जाईल. आरक्षित प्रवर्गांना वरील वयोमर्यादेत सवलत दिली जाते.
सामान्य/ओबीसी/ईडब्ल्यूएस श्रेणीतील उमेदवारांना अर्जादरम्यान १०० रुपये अर्ज शुल्क जमा करावे लागेल. तर इतर सर्व आरक्षित श्रेणींमध्ये फॉर्म पूर्णपणे विनामूल्य भरता येईल. या भरतीशी संबंधित इतर कोणत्याही माहितीसाठी, उमेदवार CISF च्या अधिकृत वेबसाइटला भेट देऊ शकतात.
