UPSC कडून IES ISS 2024 परीक्षेचा निकाल जाहीर
जे उमेदवार IES, ISS परीक्षेला बसले आहेस ते आयोगाचे अधिकृत संकेतस्थळ upsc.gov.in वर निकाल पाहू शकतात. निवडलेल्या उमेदवारांचे रोल नंबर निकालाच्या यादीमध्ये समाविष्ट करण्यात आले आहेत.
eduvarta@gmail.com 
एज्युवार्ता न्यूज नेटवर्क
केंद्रीय लोकसेवा आयोगाने (UPSC) भारतीय आर्थिक सेवा आणि भारतीय सांख्यिकी सेवा (IES, ISS 2024) लेखी परीक्षेचा निकाल जाहीर (Written exam result announced) केला आहे. जे उमेदवार IES, ISS परीक्षेला बसले आहेस ते आयोगाचे अधिकृत संकेतस्थळ upsc.gov.in वर निकाल पाहू शकतात. निवडलेल्या उमेदवारांचे रोल नंबर निकालाच्या यादीमध्ये समाविष्ट करण्यात आले आहेत. UPSC IES/ISS परीक्षा 21 ते 23 जून 2024 या कालावधीत घेण्यात आली होती.
आयोगाने परीक्षेत उत्तीर्ण झालेल्या उमेदवारांचे रोल नंबर प्रसिद्ध केले आहेत. आयोगाने हे सर्व उमेदवार मुलाखत/व्यक्तिमत्व चाचणीसाठी पात्र घोषित करण्यात आले आहेत. परीक्षेच्या नियमांनुसार, या सर्व उमेदवारांना तपशीलवार अर्ज (DAF) भरणे आवश्यक आह., जो आयोगाच्या वेबसाइट upsconline.nic.in वर योग्य वेळी उपलब्ध करून दिला जाईल. DAF भरणे आणि ते आयोगाकडे ऑनलाइन जमा करण्याबाबतच्या महत्त्वाच्या सूचनाही वेबसाइटवर उपलब्ध करून दिल्या जातील.
यशस्वी घोषित केलेल्या उमेदवारांना ऑनलाइन तपशीलवार अर्ज भरण्यापूर्वी आयोगाच्या वेबसाइटच्या संबंधित पृष्ठावर स्वतःची नोंदणी करावी लागेल. तसेच त्यांची पात्रता, आरक्षणाचा दावा इत्यादींच्या समर्थनार्थ संबंधित प्रमाणपत्रे/कागदपत्रांच्या स्कॅन केलेल्या प्रती अपलोड कराव्या लागतील. तसेच ते ऑफलाईन पद्धतीने सादर करावे लागेल , असे आयोगाने म्हटले आहे.
असा निकाल डाउनलोड करा
सर्वप्रथम केंद्रीय लोकसेवा आयोगाची अधिकृत वेबसाइट upsconline.nic.in. वर जा. त्यानंतर डाउनलोड निकाल विभागात जा. अर्ज क्रमांक/नोंदणी क्रमांक/पासवर्ड/जन्मतारीख यासारखे सर्व आवश्यक तपशील प्रविष्ट करा. आवश्यक तपशीलांसह लॉग इन करा. तपशील प्रविष्ट केल्यानंतर तुमचा निकाल प्रदर्शित होईल. त्यानंतर निकाल डाउनलोड करून त्याची प्रिंट काढून घ्या.
