NTA चा मोठा निर्णय! NEET परीक्षेसाठी विद्यार्थ्यांना  'या' खास सुविधा अन् मार्गदर्शक सूचना 

एज्युवार्ता न्यूज नेटवर्क 

नीट-युजी २०२६ (NEET-UG 2026) परीक्षांमधील गोंधळानंतर राष्ट्रीय परीक्षा एजन्सीने  (NTA)विद्यार्थ्यांच्या सोयीसाठी खास सुविधा आणि मार्गदर्शक सूचना (suggestion Special  and Guidelines) देण्यात आल्या आहेत. २१ जून २०२६ रोजी होणाऱ्या नीट-युजी परीक्षेत परीक्षेचा कालावधी वाढवण्यात (Extension of exam period) आला असून, आता विद्यार्थ्यांना १९५ मिनिटे उपलब्ध असेल, तसेच प्रश्नपत्रिकेत 'रफ वर्क' ('Rough work' on the question paper)करण्यासाठी स्वतंत्र्य जागा दिली जाईल. यामुळे पेपर सोडवताना मदत होईल आणि विद्यार्थी अधिक चांगल्या पद्धतीने प्रश्नांची उत्तरे लिहू शकतील. हे बदल विद्यार्थ्यांकडून मिळालेल्या अभिप्राय आणि फीडबॅकवर आधारित आहेत. परीक्षा प्रक्रिया अधिक सुलभ आणि पारदर्शक करण्याच्या उद्देशाने हे बदल करण्यात आले आहेत, असे एनटीएकडून स्पष्ट करण्यात आले आहे. 

परीक्षा दुपारी २ वाजता सुरू होऊन सायंकाळी ५:१५ पर्यंत चालणार आहे. या दीर्घ कालावधीत अटेंडन्स शीटवर स्वाक्षरी करणे, ओळख पटवणे आणि इतर प्रशासकीय प्रक्रिया पूर्ण करण्यासाठी आवश्यक वेळ समाविष्ट करण्यात आला आहे. यापूर्वीच्या परीक्षांमध्ये विद्यार्थ्यांना वेळेच्या कमतरतेमुळे तणाव जाणवला होता. नवीन व्यवस्थेमुळे प्रशासकीय कामे आणि मुख्य परीक्षा यांच्यातील संतुलन राखले जाईल, ज्यामुळे विद्यार्थ्यांच्या एकाग्रतेत व्यत्यय येणार नाही. एनटीएने याला विद्यार्थी-केंद्रित दृष्टिकोनाचा भाग म्हटले आहे. 

या वर्षी एनटीएने रफ वर्कसाठी मोठा बदल केला आहे. पूर्वी फक्त प्रश्नपत्रिकेच्या शेवटी एकच पान रफ कामासाठी दिले जात होते. आता परीक्षेच्या सुरुवातीला देखील रफ वर्कसाठी स्वतंत्र पाने उपलब्ध असतील. यामुळे विद्यार्थ्यांना गणित, भौतिकशास्त्र किंवा रसायनशास्त्रातील कॅल्क्युलेशन, आकृत्या आणि नोट्स तयार करण्यासाठी पुरेशी जागा मिळेल. विद्यार्थ्यांना त्यांच्या सोयीनुसार काम करण्याची मुभा मिळाल्याने त्यांची कार्यक्षमता वाढेल आणि चुका कमी होतील, असे एनटीएच्या अधिकाऱ्यांनी सांगितले आहे.  

या बदलांमुळे नीट-युजी २०२६ परीक्षा विद्यार्थ्यांसाठी अधिक सोयीस्कर आणि तणावमुक्त होईल, अशी आशा व्यक्त केली जात आहे. देशभरातील लाखो विद्यार्थ्यांसाठी ही परीक्षा महत्त्वाची असल्याने एनटीएने सर्व तयारी पूर्ण केली आहे. विद्यार्थ्यांना सल्ला देण्यात आला आहे की, नवीन नियम आणि वेळापत्रक लक्षात घेऊन त्यांनी तयारी करावी. एनटीए लवकरच अधिकृत वेबसाइटवर सविस्तर नोटिफिकेशन जारी करणार असल्याचेही सूचित केले आहे.