CBSE बोर्डाने विद्यार्थ्यांच्या उपस्थितीचे नियम केले कडक; रिपोर्ट तपासायला देऊ शकतात शाळेत भेट 

एज्युवार्ता न्यूज नेटवर्क

केंद्रीय माध्यमिक शिक्षण मंडळ (Central Board of Secondary Education) CBSE बोर्डाने विद्यार्थ्यांच्या उपस्थितीबाबत (Regarding student attendance) एक महत्वाची अधिसूचना प्रसिद्ध केली आहे. (Important notification issued)  एका वर्षात विद्यार्थ्यांची ७५ टक्के उपस्थिती अनिवार्य ( in a year 75% attendance is compulsory) असल्याचे त्यात नमूद करण्यात आले आहे. विशेष म्हणजे शाळेने दिलेल्या उपस्थितीचा अहवाल पडताळण्यासाठी बोर्ड शाळेला (school) भेट ही देऊ शकते. 

बोर्डाने प्रसिद्ध केलेल्या अधिसूचनेत असेही म्हटले आहे की, "विद्यार्थ्यांच्या उपस्थितीच्या नोंदी तपासण्यासाठी शाळांना भेट दिली जाऊ शकते. तपासणीदरम्यान नोंदी अपूर्ण असल्याचे आढळून आल्यास किंवा विद्यार्थी नियमित हजेरी लावत नसल्याचे स्पष्ट झाल्यास शाळेवर कडक कारवाई होऊ शकते. तसेच बोर्डाच्या परीक्षेपासूनही विद्यार्थी वंचित राहू शकतात. त्यामुळे याची पूर्ण काळजी घ्यावी." 

यासंदर्भात बोर्डाने अधिसूचनेत म्हटले आहे की,  'बोर्ड केवळ वैद्यकीय आणीबाणी, राष्ट्रीय खेळांमध्ये सहभाग आणि इतर कारणांसाठी 25% सूट देते. यासाठीही विद्यार्थ्यांना संबंधित कागदपत्रे सादर करावी लागणार आहेत.'

CBSE बोर्डाने आपल्या अधिसूचनेत पुढे म्हटले आहे की, “शाळा ही केवळ शैक्षणिक शिक्षणाची केंद्रे नसून विद्यार्थ्यांच्या सर्वांगीण विकासातही महत्त्वाची भूमिका बजावतात. विषयाचे ज्ञान देण्याबरोबरच, शाळांमध्ये अभ्यासेतर उपक्रम, चारित्र्य घडवणे, मूल्यांचा संवर्धन, संघकार्य आणि बरेच काही शिकवले जाते. त्यामुळे विद्यार्थ्यांची शाळेत नियमित उपस्थिती त्यांच्या सर्वांगीण विकासासाठी अत्यंत आवश्यक आहे."

शाळेने विद्यार्थ्यांच्या कमी उपस्थितीचा तपशील पाठवला की, त्यात कोणताही बदल करता येणार नाही, असेही बोर्डाने स्पष्ट केले आहे.