राष्ट्रीय तपास संस्था (NIA) मध्ये विविध पदांच्या १६४ जागांसाठी अर्ज प्रक्रिया सुरू
इच्छुक आणि पात्र उमेदवारांकडून ऑनलाईन पद्धतीने अर्ज मागवण्यात येत आहेत. भरती प्रक्रियेत सहभागी होण्यासाठी उमेदवार अधिकृत संकेतस्थळ https://nia.gov.in/ वर जाऊन अर्ज करू शकतात. अर्ज करण्याची अंतिम मुदत २५ डिसेंबर देण्यात आली आहे.
eduvarta@gmail.com 
एज्युवार्ता न्यूज नेटवर्क
नॅशनल इन्व्हेस्टिगेशन एजन्सी (NIA) अंतर्गत विविध रिक्त पदांसाठी जाहिरात प्रसिद्ध (Recruitment process begins) करण्यात आली आहे. या भरती प्रक्रियाद्वारे विविध पदांच्या १६४ रिक्त जागा भरण्यात येतील. त्यासाठी इच्छुक आणि पात्र उमेदवारांकडून ऑनलाईन पद्धतीने अर्ज मागवण्यात येत आहेत. भरती प्रक्रियेत सहभागी होण्यासाठी उमेदवार अधिकृत https://nia.gov.in/ या संकेतस्थळावर जाऊन अर्ज करू शकतात. अर्ज करण्याची अंतिम मुदत २५ डिसेंबर (Deadline 25th December) देण्यात आली आहे.
या भरती मोहिमेअंतर्गत निरीक्षक - ५५ पदे, उपनिरीक्षक -६४ पदे, सहायक उपनिरीक्षक -४० पदे तर हेड काॅन्स्टेबल -५ पदे अशा एकूण १६४ रिक्त जागांसाठी ही भरती प्रक्रिया पार पडणार आहे. निरीक्षक, उपनिरीक्षक, सहायक उपनिरीक्षक या पदांसाठी अर्ज करणाऱ्या उमेदवारांचे पदवीचे शिक्षण पूर्ण झालेले आवश्यक आहे. तर हेड काॅन्स्टेबल पदासाठी बारावी उत्तीर्ण असावी. यामध्ये सहभागी होणाऱ्या उमेदवाराचे वय हे ५६ वर्ष पेक्षा अधिक नसावे.
ही नियुक्ती प्रतिनियुक्ती तत्वावर केली जाणार आहे. प्रतिनियुक्तीचा कालावधी 3 वर्षांपेक्षा जास्त नसेल, असे सांगण्यात आले आहे. निरीक्षक पदासाठी उमेदवारांना गुन्हेगारी प्रकरणे हाताळण्याचा, गुप्तचर कार्य, ऑपरेशन्स किंवा दहशतवादविरोधी कामाचा किमान 2 वर्षांचा अनुभव असणे आवश्यक आहे. उपनिरीक्षक पदासाठी उमेदवारांना गुन्हेगारी तपास, बुद्धिमत्ता, ऑपरेशन्स किंवा दहशतवादविरोधी प्रशिक्षणाचा किमान 2 वर्षांचा अनुभव असणे आवश्यक आहे. सहाय्यक उपनिरीक्षक पदासाठी उमेदवारांना गुन्हेगारी तपास, गुप्तचर कार्य किंवा माहिती तंत्रज्ञान व्यवस्थापन हाताळण्यासाठी किमान 2 वर्षे अनुभव असणे आवश्यक आहे. तर हेड कॉन्स्टेबल पदासाठी उमेदवारांना विशेष गुप्तचर एजन्सीद्वारे अधिग्रहित केलेल्या गुप्तचर कामाचा अनुभव असावा.
