मुंबई विद्यापीठ : पदव्युत्तर अभ्यासक्रमाच्या प्रवेशाला सुरूवात
मुंबई विद्यापीठाचे अधिकृत संकेतस्थळ https://mu.ac.in/admission वर जाऊन विद्यार्थ्यांना ऑनलाईन अर्ज भरता येणार आहे. प्रवेश नोंदणी ते अर्ज सादर करण्याची प्रक्रिया समजून घेण्यासाठी संकेतस्थळावर व्हिडिओ लिंक देण्यात आली आहे. त्यानुसार विद्यार्थ्यांना आपला अचूक अर्ज भरता येणार आहे. ही प्रवेश प्रक्रिया २५ जून पर्यंत पार पडणार असून १ जुलै पासून नियमित तासिका सुरू होणार असल्याची माहिती विद्यापीठाकडून देण्यात आली आहे.
eduvarta@gmail.com 
मुंबई विद्यापीठाकडून (Mumbai University) पदव्युत्तर अभ्यासक्रमाच्या (Postgraduate courses) प्रवेशाचे वेळापत्रक प्रसिद्ध (Admission schedule released) करण्यात आले आहे. त्यानुसार या अभ्यासक्रमासाठी आज १३ मे पासून ऑनलाईन प्रवेश प्रक्रिया सुरू करण्यात येत आहे. पहिली गुणवत्ता यादी १७ जून रोजी जाहीर होईल (The first merit list will be announced on June 17th) आणि वर्ग १ जुलै पासून सुरू होतील, असे विद्यापीठाने स्पष्ट केले आहे. विद्यापीठाचे सर्व पदव्युत्तर शैक्षणिक विभाग, संलग्नित महाविद्यालये, स्वायत्त महाविद्यालये आणि मान्यताप्राप्त संस्थांनी या वेळापत्रकानुसार प्रवेश प्रक्रिया राबवावी असे आवाहन परीक्षा व मूल्यमापन मंडळाच्या संचालिका डॉ. पूजा रौंदळे यांनी केले आहे.
मुंबई विद्यापीठाचे अधिकृत संकेतस्थळ https://mu.ac.in/admission वर जाऊन विद्यार्थ्यांना ऑनलाईन अर्ज भरता येणार आहे. प्रवेश नोंदणी ते अर्ज सादर करण्याची प्रक्रिया समजून घेण्यासाठी संकेतस्थळावर व्हिडिओ लिंक देण्यात आली आहे. त्यानुसार विद्यार्थ्यांना आपला अचूक अर्ज भरता येणार आहे. ही प्रवेश प्रक्रिया २५ जून पर्यंत पार पडणार असून १ जुलै पासून नियमित तासिका सुरू होणार असल्याची माहिती विद्यापीठाकडून देण्यात आली आहे.
मुंबई विद्यापीठातील सर्व शैक्षणिक विभाग, संलग्नित महाविद्यालये, स्वायत्त महाविद्यालये आणि मान्यताप्राप्त संस्थेतील पदव्युत्तर अभ्यासक्रमांच्या प्रवेशाचे वेळापत्रक मुंबई विद्यापीठामार्फत जाहीर करण्यात आले आहे. राष्ट्रीय शैक्षणिक धोरणाच्या अनुषंगाने राबविण्यात येत असलेली ही पदव्युत्तर अभ्यासक्रमांची ऑनलाईन प्रवेश प्रक्रिया सुरू करण्यात आली आहे. चारही विद्याशाखेतील विविध विषयांचा समावेश असलेली ही ऑनलाईन प्रवेश प्रक्रिया अत्यंत सुलभ आणि पारदर्शक पार पडणार आहे.
मुंबई विद्यापीठ प्रवेश प्रक्रियेचे वेळापत्रक
- ऑनलाईन नाव नोंदणी आणि प्रवेश अर्ज सादर करणे- १३ मे ते ३ जून २०२५
- विभागांमार्फत कागदपत्रांची ऑनलाईन पडताळणी – ९ जून २०२५ ( संध्याकाळी ६ वाजेपर्यंत)
- तात्पुरती गुणवत्ता यादी- १० जून २०२५ ( संध्याकाळी ६ वाजता)
- विद्यार्थी तक्रार – १२ जून २०२५ पर्यंत (दुपारी १ वाजेपर्यंत)
- पहिली गुणवत्ता यादी – १७ जून २०२५ (संध्याकाळी ६ वाजता)
- ऑनलाईन शुल्क भरणे – १८ जून ते २१ जून २०२५ ( संध्याकाळी ५ वाजेपर्यंत)
- द्वितीय गुणवत्ता यादी- २४ जून २०२५ (संध्याकाळी ६ वाजता)
- ऑनलाईन शुल्क भरणे – २५ जून ते २७ जून २०२५ (संध्याकाळी ५ वाजेपर्यंत)
- कमेंसमेंट ऑफ लेक्चर्स – १ जुलै २०२५
